بسم الله اللرحمن الرحيم
اقسم بالله الطريقة دى الوحيدة الوحيدة لحل المشكلة ومفيش حل تانى خالص
قبل اى حاجة شرحى على سامسونج i9200 فقط واى موبايل تانى ولو كان التغير حتة فى حرف او رقم مش هتنفع معاة الطريقة دى لان الملفات اللى انا هقولكم عليها بتشتغل على الموبايل دة بس ومش هتفرق ان كان الميمورى الداخلى بتاعة 8 ولا 16
افهم المشكلة فين باالظبط ؟
المشكلة ان شركة سامسونج الملعونة عملت حماية فى السوفت الجديد 4.4 انة ميشغلش الا تاتش الشاشة الاصلية بتاعتهم لكن لو الشاشة بتاعتك اتكسرت وغيرتها برة التوكيل فالتاتش هيشتغل على سوفت 4.2 مش 4.4 لان 4.2 مكانش علية الحماية دى
الحل ..... ؟
انك تركب شاشة اصلية من توكيل سامسونج ودى تكلفتها 1900 جنية يعنى تروح تشترى واحد استعمال كامل بملحقاتة ب 1800 ارحم
طيب هو دة الحل لا لا لا
الحل مش هيكلفك ولا مليم
( ارجع لسوفت 4.2 والتاتش هيشتغل )
طيب هترجع ازاى ؟
الاجابة عند اغلب الاغبياء حتى توكيل سامسونج حتى محل الكابتن فى الاسكندرية ودى اشهر من ضرب النار وكمان محلات محمد عبد الوهاب اللى فى سموحة انا سيبت موبايلى عندهم 3 شهور يا مؤمن معملوش حاجة لانهم مش فاهمين المشكلة اساساً فين والمشكلة انا قولتها فى اول المقال
وكل اللى هتسمع منه هيقولك بلاش عشان iemi هتبقى null
يعنى السوفت هيرجع والتاتش هيشتغل بس الشبكة كل سنة وانت طيب وكذلك الواى فاى والكاميرا هتصور صور ومش هتصور فيديو والصوت مش هيطلع ..... ولو دة حصل معاك متتخضش وتفكر ان الموبايل مات وملهوش تصليح ..... كل الحكاية انك عملت الداون جريد غلط ......
الخلاصة .... عشان تعمل داون جريد سليم ل سوفت 4.2 بدون اى مشاكل وبدون فقد السريال اعمل كلاتى :
اولا ً : حمل الملفات دى .
1 - I9200XXUAMED_I9200OJVAME4_KSA.zip
دة ملف السوفت الوحيد اللى هيقبل داون جريد لان السوفت دة stock
2 - Odin3_v3.09
دة البرنامج اللى انت هتزل بية السوفت
3 - vcoreroot-v2.tar
دة اهم حاجة ملف الروت عشان نكسر الحماية اللى هى اساس ام المشاكل
4 - MegaKatI9200DeodexV27.zip
وهو دة سر الحل فى الملف دة دة اللى فية الشفة وهترجع منة الى 4.2 بدون مشاكل وكان محصلش حاجة فى موبايلك
5- philz_touch_6.48.4-melius3gxx.tar.md5
والملف دة اسمة الريكفرى المعدل يعمل بالتاتش
والريكفرى دة اللى هيأكدلك ان شاشتك سليمة وزى الفل وان كل المشكلة عبارة عن الحماية اللى فى 4.4 مش اكتر
..................... حمل الملفات دى قبل اى حاجة .........................
فى منها اللى انا اديتلك رابط التحميل واللى لم اضع لة رابط خد الاسم كوبى واعملة سيرش فى محرك بحث جوجل
........................... بعد ماتحمل الملفات دى ............................
انا حقولك على خطوات استعادة سوفت 4.2 كامل بدون مشاكل بس كلى اللى عاوزة اى رد فى المنتدى .... ودة عشان ارفع لكم الشرح مصور على اليوتيوب ودة هياخد معاية وقت ومجهود لانى هبوظ موبايلى واخلية زى موبايلاتكم وهحل المشكلة خطوة بخطوة فلو مفيش حد مهتم يبقى ملهاش لزمة الشرح الفيديو
الموضوع انا جربت احساس ان موبايل ب 3000 جنية يبقى ميت وتلف على طوب الارض فى النت والمحلات ومحدش عارف يحل المشكلة
وعشان ربنا كريم وهو بفضلة اللى هدانى لفكرة الحل ونفعت معاية على الموبايل دة
انا حبيت انشر الحل ( وما اسئلكم علية من اجر إن اجرى الا على رب العالمين )