ههههه .. ياكثر اللي يتكلمون عن 1 جيجا كافية للرام .. طيب سالت نفسك كيف كافية ؟ ليه كافية ؟
لاتقولي سلاسة النظام ومدري ايش ..
السبب الرئيسي لضمان عمل الرام القليلة بالشكل الصحيح هو الملتي تاس والباك قراوند بروسس ( العمليات والمهمام التي تتم في الخلفية بدون ان يراها المستخدم)
الايفون لايحتوي على ملتي تاسك حقيقي لضمان عمل النظام بشكل صحيح
مجرد اوهام شركة ابل لمستخدميها المنومين بان الايفون يملك ملتي تاسك ولكن واقعا عندما تقوم بالخروج من اي تطبيق يتم ايقاف عمله نهائيا ولايتم حفظه في الذاكرة العشوائية وعوضا عن هذا يتم حفظ اخر بيانات قبل الخروجفقط وبهذا تضمن ابل اقل استهلاك ممكن للرام .. هي حركة ذكية ولكن عمليا غير نافعة ابدا ولايمكن اطلاق مسمى ملتي تاسك عليها.
زي لو رحنا لنظام الماك .. نلقاه لما مثلا تخلص بطاريته وينطفي .. لما تشغله يرجع يفتح لك اخر الاعمال اللي كنت تسويها .. طيب كيف والجهاز انطفى !!؟؟ ببساطة نفس ملتي تاسك الايفون .. مجرد حفظ لبيانات التطبيقات وليييس ملتي تاسك
الملتي تاسك هو امكانية عمل اكثر من مهمة في نفس الوقت ..
مثلا لو كان اي شخص فاتح السفاري على جهازه الايفون وفاتح احد مواقع رفع الملفات .. والرجال قاعد يرفع ملف حجمه 200 ميقا مثلا ..
لما يضغط زر الهوم عشان يسوي اي عملية ثانية ( اتصال مثلا ) ويرجع للسفاري .. راح يلقى ان التحميل متوقف على ماكان عليه قبل خروجه
ببساطة لانه لايوجد ملتي تاسك
خلصنا من الملتي تاسك نجي للباك قراوند بروسسز
الايفون اغلب تطبيقاته لايمكن ان تعمل في الخلفية .. اي انه لما ناخذ الواتس اب على سبيل المثال
مجرد خروجك للبرنامج يعني انك اغلقت البرنامج
يجي واحد يقول طيب كيف توصلني التنبيهات بما ان التطبيق مغلق ..
ببساطة .. ابل تستخدم نظام تنبيهات منفصل عن التطبيق نفسه
مثلا لما تجيك رسالة على الواتس ويطلع لك فلان ارسل كذا وكذا .. جرب اغلق الشبكات وافصل الانترنت وافتح الواتس اب
ماراح تلقى الرسالة .. ببساطة الرسالة وصلت لنظام التبيهات وليس للتطبيق نفسه
حركة اخرى ذكية من ابل لتوفير الرام صح ؟
لا طبعا .. الاندرويد ايضا يمتلك خيارات لتفعيل نفس المهام اللي مذكورة فوق .. الاندرويد يملك خيارات تقدر تحدد فيها عدد الباك قراوند بروسسز المسموحة للنظام .. تقدر تحدد استهلاكية الرام هل تحتفظ بالبرنامج شغال ام لا ( الملتي تاسك )
وللمستخدم حرية استخدام جهازه .. يعني لما يكون المستخدم مخلي جهازه يشتغل بدون حدود .. ترا الجهاز نفسه له حدود ف شي طبيعي ممكن يعلق لما تجهده بزيادة ..
المشكلة في المستخدم وليست في الجهاز نفسه بغض النظر عن نوعه .. المستخدم قد يكون سيء جدا عندما يحمل جهاز لايعلم عن كيفية استخدامه.
زي مايجي المستخدم يقول النظام الفلاني مليان ثغرات.. ترا كل الانظمة فيها ثغرات .. وماراح يجيك شي اذا كنت تعرف تستخدم صح ..
بس الناس تذم في اشياء لانها ماتعرف كيف تستخدمها
نتذكر كيف كانت بداية شاشة الرتينا وكيف الضجة اللي عملتها ابل على شاشتها وكيف كانت كثافة البكسلات فيها عالية جدا مقارنة مع الاجهزة اللي كانت موجودة بالسوق بحيث لايمكن للعين المجردة رؤيتها
الان لما طلعت اجهزة بدقة كواد اتش دي وكثافة بكسلات اعلى من الايفون واعلى من اجهزة ابل جميعها وايضا لاتستطيع العين المجردة رؤيتها ولكن بما انها تفوقت على ابل .. اصبحوا مطبلين ابل يقولون مالفائدة منها حيث ان العين لاستسطيع رؤيتها ؟؟ .. نسينا التطبيل حق ابل لما سوت الحركة نفسها قبل كم سنة ؟
البصمة سوتها موتورولا من 2008 تقريبا ولا احد ذكرها .. ولما ابل سوت بصمة الكل قال ووواااااوو .. طيب ترا البصمة موجودة .. يقلك لا بصمة ابل مطورة بطريقة غير
واخيرا .. خلنا نترك كل الكلام اللي فوق ونروح للعقل
عقليا .. هذي مواصفات جهاز قيمته اكثر من 2000 ريال ؟
يعني لو كنت راح اشتري رام 1 قيقا لجهازي الكمبيوتر كم راح تكلفني ؟
هل من المعقول ان اشتري رام 1 قيقا بسعر 4 ؟ .. بغض النظر عن هل هذا الشي راح استفيد منه ولا لا
هل من الممكن اخذ تلفزيون 25 بوصة اتش دي بسعر تلفزيون 55 بوصة كواد اتش دي ؟
الكلام مجرد تعبير عن الرأي بحكم اني مستخدم لاغلب اجهزة ابل وبعض من اجهزة الاندرويد والتي انحاز لها حاليا واكبر اسباب الانحياز هو جهاز نوت ٣ بحكم تجربتي في استخدامه وليس لمجرد التعصب ولا انحاز لاي شركة تستخدم الاندرويد في اجهزته
الكلام السابق عن ابل ايضا كان لمجرد ذكر التجربة مع منتجات ابل وليس لمجرد التعصب او كره للشركة
في النهاية كل واحد ينام على الجنب اللي يريحه ..