اصلا حتى لو فيه تحديث على قولتك فما راح تستفيد منه لأن تحديث الشوارع باقي ما خلص .. يعني شوارعنا محفرة وكلها تحويلات .. ما يمديك تقول سلام يا اللفة يمين او يسار .. الا وتلقا تحويلة قدامك وشوي دوار ما تدري من وين طالع لك
قبل توصل بيتكم تتفاجأ انهم محولينك على شارع موب لمك ولا هو في دربك .. المهم تروح معه تشوف وش اخرتها وترجع بيتك متأخر وتتلاطش انت والمدام على التأخير بسبب شكوكها المستمرة لأنك تتأخر دايم
خل اي قو ينفعك الحين
اخبر 2012 الي طلع العام الماضي جربته في جدة ... عاد فيه دوار اخبرة في حي البوادي لأن لي اقارب امر عليهم كل ما رحت دورة او انتداب .. عاد هالدوار شايلينه البلدية من سنة 2009 وبرنامج iGO 2012 محتفظ بالدوار ما يبي يحذفه
So ... حاول تحفظ الخطوط والطرق والحفر والمطبات واللفات .. والبعارين الي تقطع الخطوط و وكل ربك
اما اذا طلعت المانيا والا النمسا طال عمرك عند الربيع الطيب فيذاااك .. فشغل الأي قو وقووو انطلق ماعندك مشكلة
والا استخدم نافي تيل كلام ثاني
او الأفضل منه بعد سيجيك Sygeq وادع على من ظلمك 