[wassimemam]

خاص بموقع الكمبيوتر الكفى : لاحظت فى الفترة الاخيرة نقض قوى على الأيفون 5 و شركة أبل بشكل رهيب و التفاخر بجهاز سامسونج و الهارد وير ووجدت فعلا أحد اصدقائى فى احد المواقع يقول رأيه فى النظامين وليس فى الهارد وير و شعرت و كأنه بتكلم على لسانى عندما كنت املك جهاز ال S2 و كان له هذا الكلام الرائع و الحقيقى 100 % :

لحظة من فضلك Appstore يكتسح Market الأندرويد



VS



لحظة من فضلك Appstore يكتسح Market الأندرويد

انا مستخدم اندرويد لاكثر من سنة دلوقتى وطبعا معايا الايباد , الاندوريد انا جربت 8 اجهزة فى السنة واخرهم ال ONE X وال S3 , مشكلة الاندرويد الازلية كانت وما زالت هى التطبيقات ،، انا بالنسبة لى اهم حاجة فى الجهاز هو السرعة والشاشة الكويسة والكاميرا والبطارية و التطبيقات طبعا السرعة والشاشة والكاميرا موجودة فى اى جهاز اندرويد وبرضه فى الايفون

تبقى المشكلة فين البطارية السيئة فى اى جهاز اندرويد باستثناء ال One x وال S3 وهى برضه مش القوية بالدرجة الكبيرة فهى تكفى الاستخدام المتوسط


نيجى للستور والتطبيقات ،، مفيش اى وجه مقارنة من اى نوع بين الستور بتاع app store وال google play , طبعا واحد هيقولى الاتنين فيهم كام تطبيق وفيهم التطبيقات الاساسية والالعاب وكل حاجة , طيب خلينا نقارن حاجة حاجة

1- عدد التطبيقات فى الاندرويد كبير ولكنه خادع لوجود عدد كبير من تطبيقات ال SYSTEM + الثيمات + التطبيقات السيئة والمخادعة والمفيرسة

2- التطبيقات الاساسية ،، تمام موجودة فى ال IOS وال ANDROID وبرضه ال Black berry ,والويندوز موبايل وحتى النوكيا زى ال facebook , Twitter , drop box , what's app, viber خلاص يبقى التطبيقات الاساسية متساوية مفيش مشكلة

3- التطبيقات بقى المميزة او الخدمية المميزة ،، ودى اغلبية فى App store شوية منهم اتنقلوا مؤخرا وشوية لسه فى App store

زى مثلا Tweetbot اللى لسه متنقلش وهو افضل تطبيق twitter وكمان مثلا Sparrow افضل تطبيق للايميل ، تطبيق زى Mypad وده لسه متنقلش فيه تطبيقات اتنقلت بعد سنين زى Snapseed , Instagram يعنى التفوق هنا وبشدة لل Appstore

نيجى بقى لاهم نقطة الالعاب

واحد يقولى انا متهمنيش الالعاب فى حاجة انا مش جايب جها العاب ،، خلاص يبقى الاندرويد ممكن يكون كويس معاك , لكن بواقعية شديدة الشاشة المضيئة وتسابق الشركات على البروسيسور و تحسين كروت الفيجا وتكبير الشاشة فقط من اجل الالعاب اكيد مش من اجل برنامج الايميل مثلا الالعاب تتفوق وبشدة خصوصا فى الالعاب الهارد كور التى تستخدم كل موارد الجهاز لل App store وحتى العاب الاركيد الصغيرة التفوق لل Appstore وبالارقام فالشركة الوحيدة التى تقدم العاب قوية هى Game loft ، اتكلم طبعا على الاندرويد وللاسف تنزلها بعد ال IOS بشهور مثل Modern combat , Asphalt 7 , Darkknight rises

وللاسف ليست كل الالعاب موجودة على google play خاصة الالعاب المميزة ،، بالاضافة للسيئة الكبيرة وهى عدم امكانك شراء الالعاب من الماركت الخاص بنا هنا ،، فلازم افعل الماركت الامريكى وعمل حيل كثيرة بالروت من اجل شراء لعبة واكيد انا مش شارى جهاز 32 جيجا وبكارت فيجا عالى زى التيجرا 3 علشان انزل عليه اغانى ،، يكفى ال IPOD الكلاسيك لكده , يعنى كان معايا ال ONE X ببروسيسور TEGRA 3 ومش عارف اشترى لعبة


نروح بقى للAPP STORE


هناك العديد من الالعاب بما يسمى Console graphic لم تنزل للاندرويد حتى الان لان الشركات لا تريد التطوير للاندرويد وساذكر بعضها

1- Wild blood من شركة Game loft والتى تقدم العديد من الالعاب للاندوريد ,وهى لعبة معمولة ب Unreal Engine القوى جدا والذى لم يقدم اى شئ للاندرويد الان

2 - Infinity blade 2 وطبعا اللعبة غنية عن التعريف ومفيش اى مقارنة بينها وبين اى لعبة تانية على الاندرويد

3- Horn

4- Sky gamblers Air supremacy


بالاضافة للشركات الكبيرة فى عالم الالعاب التى تقدم العابها حصريا لل IOS زى Epic game , Konami , square enix , Capcom وغيرها كثير , ده طبعا غير اللالعاب الصغيرة التى تقتل الوقت فى اوقات كثيرة وغير موجود اكثر من نصها فى الاندرويد

اخيرا بقى اهم نقطة فى الاستور هى سهولة الشراء ممكن تعمل اكونت امريكى عادى فى مصر او حتى تشترى بالفيزا فى مصر ونفس الستور الموجود تقريبا , وطبعا النقطة المهمة ان كل التطبيقات تعمل على كل الاجهزة ال IOS القديمة او الجديدة يعنى مش محتاج تشترى التطبيق اكثر من مرة او تجيب تطبيق على الايفون 4 وتكتشف انه لا يعمل على الايفون 5 مثلا زى ما بيحصل فى الاندوريد , والاهم التطبيقات العربية والاسلامية وتطبيقات لتعليم طفلى العربية الغير موجودة تماما على الاندرويد ، واتحدى "اشتريت مرة XPERIA S ونص تطبيقاتى المجانية حتى لم تعمل لعدم التوافق ( مشكلة كبيرة ) "


معلش استفضدت شوية فى موضوع المتجر ده لانه روح الجهاز ،، اكيد مش بشترى جهاز ب 3000 او 4000 وافضل اكبر فى المواصفات وانا مش هشغل غير شوية اغانى وافتح الايميل والانترنت يبقى اى موبايل ب 1000 جنيه او اقل يدينى نفس الفعالية , لكن محتاج جهاز يعمل كل حاجة ،، يكون سريع ، فعال ، كاميرا كويسة ، تطبيقات كتير ،، اقدر انزل كتب ومجلات " مش لازم اكون فى امريكا يعنى " وغير كده كتير


الخلاصة بقى


الايفون 5 قد يكون ورقيا اقل من ال S3 ولكن عمليا لن يكون بطيئا ، لن يكون ثقيلا ، لن تكون شاشته سيئة ، لن تكون بطاريته سيئة ، مش هيهنج , هيشغل اغانى ، هيشغل فيديو ولكن هيتفوق فى انه له تطبيقات اكثر واسهل ومتنوعة ، ماركت مرتب وخالى من البرامج السيئة

هفتقد ايه فى الاندرويد ؟؟ ماهو اكيد الاندرويد مش سئ


هفتقد البلو توث ، هفتقد البرامج المصغرة الويدجت ، هفتقد تخصيص شاشة المكتب وغيرها ، هفتقد تنزيل رومات مختلفة وتغيير شكل التليفون ،، مش هفتقد ال NFC على فكرة لانى معملتش بيها حاجة من ساعة ما جبت الاندرويد خالص ولا هفتقد الشاحن اللاسلكى لانى اتحدى اى حد يقولى هو اى فايدة ان احط التليفون يشحن على قاعدة ثابته واسميه شحن لاسلكى وهو برضه غير متحرك وواصل بقاعدة ثابتة , ولكن لو خيرت بين التطبيقات المميزة وبين المميزات اللى فوق اكيد هختار التطبيقات لانى محتاج حاجة عملية , مش المهم المواصفات ايه المهم الجهاز بيعمل ايه , وللى بيقول صحيح التطبيقات غالية واجيب فلوس للتطبيقات منين , 50$ يكيفوك تطبيقات مهمة لمدة سنة على الاقل , والاهم من كده الخصومات اللى بتتعمل يعنى انا بجيب اللعب ببلاش او ب 1$ يعنى 6 جنيه وتشتغل على كل الاجهزة بتاعتى واجهزة 4 اصاحبى كمان والاهم والاهم فيه برامج بتديك تطبيقات ببلاش وكروت ايتيونز ببلاش وانا مجربها وواخد انا واصحابى كروت ب 50 $ فى اقل من شهرين ولسه بنجمع وبنجيب اللى احنا عايزينه


وببلاش والاكونت الواحد يشترك فيه 2 او 3 , ده لو مش بتحب الجيل بريك , و فى النهاية لكم مطلق الحرية فى الأختيار

اعداد شخصي