اذا صاحب الغطاء البلاستيكي انتشر
فأكيد صاحب الغطاء الألمنيوم والزجاج راح ينتشر أكثر
اقتباس:
المشاركة الأصلية كتبت بواسطة The_Wolf88
اشوف محامين أبل المستميتون في الدفاع عنها مختفين !
وين راح أندرويد صميم ؟!
نحتاج تعليقه على العم الايفون 5 |
شفيه العم الأيفون 5
اذا تبي نتكلم بالهاردوير أنا حاضر
اما بالسوفتوير كل جهاز نظام خاص فيه مانقدر نقارن بينهم
الهاردوير A6 ( أخبار تؤكد و تقول انه Cortex a15 )
قلتها مراراً وسأعيدها تكراراً
الفور اس كان Cortex a9 وكان سريع واستعماله الكل مبسوط منه
الأيباد 3 A5x ويعتبر طيارة وسلس لأبعد الحدود ولا أحد ينكر هالشي
الأيفون الجديد A6 يعني شنو .... ؟؟
الجواب راح تعرفونه لما تنطرح فيديوات مقارنة بين آداء الأجهزة والعبرة بالنهاية
تبي نتكلم عن
البطارية؟ ... اوكي
الأس ثري ( أنا شخصياً استعمله حالياً ) الاستخدام المتواصل 6 ساعات
الأيفون فور اس ( أيضاَ شخصياً استعمله ) الإستخدام المتواصل 6 ساعات
مع ان هناك فرق بين البطاريتين ؟؟
أوضح لك اكثر..
كل جهاز بطاريته تعمل بكفاءة الهاردوير والعتاد الموجود وأيضاً السوفتوير يلعب دور
بالنهاية ماراح نحتاج تكبير
البطارية لحجم خيالي للأيفون لأن الآداء أساساً أصبح أفضل من السابق
بنسبة قليلة طبعاً مع مقارنة الهاردوير الجديد !
طول الجهاز ... البعض قال طوله مو حلو وشبهوه بالريموت
طول الجهاز بالضبط نفس طول شاشة الأس ثري >>
اذا كان
الايفون ريموت >> فيسمحلي مايعرف بالحسبة وشكله متعقد من ريموت رسيفر أبوظبي
العرض ماينفع يكبرونه أكثر مع العلم انهم يقدرون وهذا مو شي صعب
بس عشان تتوافق مع مسكة اليد وتقدر تتحكم فيه بأصبع واحد وهذي سياسة أبل من زمان
الشاشة 4 أنش وهي أفضل شاشة للهاتف الذكي ومانقدر ننكر هالشي
لأن الجهاز يظل هاتف ذكي واذا اردنا شاشة أكبر نقدر نتوجه للتابلت والأجهزة الهجينه مثل النوت
وتوزيع البكسل للأيفون أفضل من الأس ثري ( يكفي أنه ريتنا )
وحتي أفيدك بمعنى كلمة ريتنا
الريتنا مجرد اسم تجاري شرته ابل معناه علمياً
شبكية العين
وتعني كمية بكسلات كثيرة لدرجة ان عين الانسان ما تقدر تفرق بين البكسلات
الحسبه كالآتي
التلفون >> 280+
التابلت >> 240+
الكمبيوتر >> 200 +
تعرف ليش
تعتمد على بعدك ان الشاشة
التلفون >> 25 cm
الايباد >> 38 cm
الكمبيوتر >> 51 cm
بعدها ما تميز البكسلات
وتصير ريتنا
ننتقل لموضوع آخر ...
وهو الأهم وهو التحديثات
أبل حددت موعد التحديث واهو بينزل للأجهزة القديمة قبل الجهاز الجديد
أما
سامسونج شقالت ... ( قريباً ) متى ؟ شهر شهرين سنة ؟ اكتبوا الوصية لعيالكم عشان التحديث
أبل لتحديث جهاز من أجهزتها لها طريقة وحدة
أما
سامسونج كم ؟؟ لازم تقعد تدور بالـ جي تي وايرلس + كيز + هوائي >> ( نشحذ ؟ )
سامسونج قالت الغطاء البلاستيك والغوريلا جلاس عشان نخفف الوزن
طيب ليش الـ HTC مصنوع من الألمنيوم ( المستخدم بصناعة الطيارات ) أخف وأجود ؟
أبل ألمنيوم وزجاج وأخف منهم كلهم !!؟؟
اذا هذا مو ابداع ؟ شنو الابداع تلفون يطير يعني ؟
نظام أبل حصل بمسح JD على أفضل جهاز مريح للأستعمال اليومي
وهو موفق للجميع ( صغير + شباب + كبير + للمعاقين بالسمع والنظر )
لازم تفهمون أن الجهاز راح يظل أسمه هاتف ذكي
وأنا متأكد وأبصم بالعشرة بعض الي يقولون الأندرويد أفضل لأنه مصدر مفتوح
موعارفين معناته أو مو عارفين شلون يستغلون هالميزة
أساساً نظام الأندرويد فيه نواقص
( ماكو قيم سنتر + ماكو نوت سنك لازم خدمة ثانية + ماتقدر تغيير واجهة على سبيل المثال
الأس ثري ماتقدر تغيير الواجهة بنفسك وتخليها مثل الخام وتضطر تستخدم روم
لأن الروم أساساً ماخذ النظام الخام وترك الواجهة وهذا البعض ماراح يفهمه )
أول نقطتين من النواقص تعتبر من أهم المميزات للهاتف الذكي
بيجي شخص وبيقول مااحتاج القيم سنتر
راح اقوله ان هالميزة هي تعتبر أكبر ميزة تنافسية بين قوقل و أبل
لأن الألعاب تعدت المئة ألف وغيرك مليون يحتاجها
لانه هذا جهاز هاتف ذكي للإستعمال اليومي
لعب + دردشة + تصفح + أخبار + بعض البرامج المتوفرة بالستور
وأنا متأكد أكثر الي يطبلون لنظام الأندرويد
لو تفتح جهاز ماعنده غير لعبتين وجم برنامج دردشه ومطيح بالتاباتوك
أنا شخص ابحث عن راحتي والاستعمال الي يريحني
سواء جالكسي أو أبل
ليش البعض يبي يجبر البعض على شراء الأس ثري ؟؟
والبعض مرات يقول راحت أيامك ياستيف جوبز وبنفس الوقت سابقاً يقول ستيف جوبز ماعنده ماعند جدي !
أبل شركة احترمت المعاقين وأنا احترمها ( واحترمت العربية ماعدا السيري الي مانستعملها بشكل يومي )
قوقل احترمت العربية ( نوعاً ما ) وأنا احترمها
( ماعدا قوقل ناو والقوقل فويس فقط للبحث وماكو محاذاه يعني ممم 60% احترام !! )
راح تذكرون كلامي الي راح أقوله الحين
أغلب الي ذموا الأيفون فايف بعد ماينطرح بالسوق راح يكون عليه اقبال كبير
والبعض الآخر للأسف
( لو كان الأيفون سعره 1200 ريال بنشوف يقول أفضل جهاز ويضرب الأندرويد بالطوفه )
لكن شركة أبل ماتسعى ورا الي يبحث عن الرخص لأنها تقدم شي يسوى
والي ماعنده فلوس ولا قادر يشتري أقوله الله يغنيك ويزيدك و لاتتكلم بلسان الناس عامة
المؤتمر شعلل والمنتديات والمواقع كلها تتكلم بالعقلية
ماعدا متعصبين الأندرويد لازم يحطون الأخطاء ومثل ماحصل مع مؤتمر نوكيا
الناس تبي تدخل تستفيد تشوف مقارنات وكلام ينفهم مو كلام الواحد يستحي يقراه
الأيفون بكل بساطة
Thinest , lightest , fastest smartphone this year
والشكل الخارجي يرجع للأذواق >> و أنا شخصياً عجبني الأسود
اسمحولي على الإطالة لأني ماارضى على أخوي (
اندرويد صميم )
