فولانيس،، ليك رح اكتب الشرح في حال في شي ما بين عليك او لغيرك من وجهة نظر مجرب و كل الاحترام و التقدير لصاحب الموضوع معلمنا محطم الظلام،، بس أنا من وجهة نظر مجرب عم أكتب:
هون يفترض تكون الرومة نزلت،،، هلء و الجهاز شغال في عنا زر طفي و تشغيل اللجهاز على إيدك اليمين،،و تحت منو في زر الصوت تعلاية و توطاية،، و الجهاز شغال بتكبس بإيد زر الباور و بالإيد التانية زر تعلاية الصوت ( رفع الصوت) سوا هييييييك لحتى الجهاز يفصل هيك شوية و يدخل بحالة اسمها حالة الاستعاد Recovery State بتطلع شاشة سودا و كتابة بالأزرق فيها،،، ماشي؟؟ هلء التحكم بالجهاز بهي الحالة بكون عن طريق زرار رفع و خفض الصوت و زر الباور بحد ذاتو،، يعني القائمة ياللي انت فيا بتتنقل من خيار للتاني فوق و تحت عن طريق زر الصوت و الاختيار ياللي بدك اياه install أوgo back أو boot menu كذا بطيخ ... كلو هاد بتقدر تختارو بزر الباور،، ماشي؟؟ هلء بتنفذ متل ما كتب محطم الظلام ،، طبعا بعد شو؟؟؟ انت عيني بتكون ناسخ لل
ذاكرة الداخية للبوكيت ملفين هنن هدول و بصيغة الزيييب الضغط .zip لا تفكك ضغطن ،، هدول :
001002-Overcome 7 Series V4.1.0 Wipe.zip
و هاد:
OVERCOME_4.1_RTL_Patch.zip ياللي هو ملف باتش العربي مووووو التعريب،، قلنا تعريييييب مافي،،، انت بس تفك هاد الباتش بصير الجهاز بيقدر ينزل محرف عربي،،، يعني لو اجاك ايميل مكتوب بالعربي بصيرفينك تقراه،، و بتنزل عالسوق بتنزل كيبورد بيدعم عربي بصير فينك تكتب عربي،،، لأنو كيبورد الروم مو جاية معو عربي أساسا،، بس هي هي،،و آسف لو طولت بلا معلمية عليكن، بس خايف حدا يخربط بعد ما أنا جربت،، قلت بنقل التجربة تبعي،
13.اتبع التالي في الريكفري "للتحريك باستخدام أزرار التاب القائمة=للأعلى زر البيت=للأسقل زر الرجوع=رجوع زر
البحث=اختيار"
Install menu
Choose zip from internal sdcard
001002-Overcome 7 Series V4.1.0 Wipe
Yes - Install 001002-Overcome 7 Series V4.1.0_Wipe.zip
هلء نفذنا خطوة وحدة و نزلنا اول ملف مضغوط، فكينا الضغط بقلب حالة الـ recovery منرجع على boot menu بواسطة الأزرار الباور و الصوت و منعيد اقلاع و منطول بالنا ليقلع،، بس يقلع منرجع منفوت مرة تانية على الريكفري،، و منكرر العملية تبع فك الضغط لملف باتش العربي،،
دمتم بود