الاخوان جميعا
أشكر لكم مشاركاتكم اللطيفة و أتمنى أن الموضوع ممتع و يكون فيه فائدة
اليوم جربت اللاب توب و كانت تجربة ممتعه وخصوصا اذا كان الشئ لك يد فيه
الواجهة شغالة تمام طبعا باللمس و جربت NCK 5 ، بعد ما دفعوني 200 يورو قيمة خريطة الخليج, مع التوجيه الصوتي و الجوال و برنامج الطقس
و الحمد ضبطت معي الاعدادات، الميديا شغالة و اذا طلع توجيه من NCK ينخفض صوت الميديا و يكون التوجيه واضح
و اذا رن الجوال تتوقف الميديا الى نهاية المكالمة و بعدين ترجع زي اول و كله على سماعات السيارة
CompeGPS شغال تمام مع GPRS و يحمل صور الاقمار من النت بسرعة معقولة و حسب تجربتي دقته عالية جدا مثل NCK
الملاحظات:
- توصيل اللاب توب بمسجل السيارة، محول الشريط افضل حل جربته الى الآن، لكن لازم من نوع يشتغل على مسجل اللي يقلب، لأن فيه نوع ما يشتغل الا على المسجل العادي. و مشكلة الشريط اذا وصلت اللاب توب على محول الكهرباء يطلع أزيز مع السماعات، التماس كهرباء، و نصحوني أجرب مكثف او مغناطيس يركب على سلك اللاب توب يقطع السالب
جربت جهاز يبث على الراديو موجة اف ام حق IPod لكن نوعية الصوت مشوشة و لا أدري اذا كانت المشكلة من الجهاز أو الراديو، محتاج تجريب أكثر
و فيه حل ثالث ما جربته و هو توصيل على AUX و محتاج افك مسجل السيارة أتأكد من وجود فتحة AUX
- لأن مودم GPRS و الجوال يستخدمون نفس البورت فما يشتغلون في نفس الوقت
- مشكلة الكيبورد، لأن اللاب توب عندي تطبق الشاشة بعد تدويرها على الكيبورد مثل JASJAR أحتاجها أحيانا اذا بغيت اضغط على الزر الأيمن في الماوس او اذا بغيت اشغل البلوتوث اضغط على Fn و F10، ما أدري اذا ممكن إنشاء ملف ينفذ مثل هذي الاوامر بدبل كليك. أما غير كذا ما أحتاج للكيبورد مع الشاشة اللمس
- البلوتوث اذا شغلته ما يشبك على ريسيفر GPS من نفسه لازم اشبكه يدوي
ان شاء الله الخطوة الجاية احاول أشغل التلفزيون و راديو عليه و كاميرا ليلية بعد ما تنحل الملاحظات
الاخ ali_khankan
اهم شئ في تركيب اللاب توب في السيارة انك تحط في حسابك وزن اللاب توب، يعني ما عنك و عن تخريم الطبلون أو الارضية، وممكن تفكر في أستخدام براغي المقعد، و غير كذا أحسب في بالك أن الفاعدة تكون جزئين، جزء يركب في السيارة و يفضل على الاقل أنه يضبط أفقيا او عموديا، و الجزء الثاني متحرك يركب عليه او فيه اللاب توب مع اعتبار مخارج اللاب التوب و طريقة شاشته أما المواد فبعد ما تتخيل شكل القاعدة انزل لمحلات العدد و المطابخ و أدوات الحمامات - أكرمكم الله - مممكن جدا تلقى مكونات القاعدة و ممكن تعطيك طريقة أفضل للقاعدة
بالنسبة للبرنامج حجمه كبير و ما أظن أني أقدر أرسله عن طريق النت لان الساتالايت عندي استقبال بس، غير أنه ما يشتغل الا بكود تفعيل تأخذه من موقع الشركة بعد ما تعطيهم رقم السيريال و رقم تعريف الجهاز، و كود التفعيل ما يشغل الا الجهاز المعرف غير ان كل خريطة يبغى لها كود تفعيل مختلف
الاخ aljohi
ممكن تفكر في براغي المقعد، و تراهم يمدحون مواسير المويه ربع بوصة و كم كوع يبقى بس القطعة اللي يركب عليه اللاب توب
الخرائط اللي في الموقع حقت MN5 أتوقع بنسبة 90 في المية انها نفس خرائط NCK لكن المشكلة في تشغيلها
انا جربت خريطة الخليج من المنتدى و طلب البرنامج كود تفعيل لها، و الكيجن في المنتدى للكفي فقط
ريسفر GPS اللي أستخدمه Holux 230 و USB أريح من ناحية الاتصال و الشحن لكن السلك
و أشكر لك و للأخ ahamza تثبيت الموضوع
الاخر فراج
تسلم يالغالي
الأخ المنتصر بالله
فعلا مثل ما قلت و زي ما تعرف ان الواحد اذا بدأ ينفذ فكرة لقى الموضوع يتشعب الى اشياء كثيرة
مثل موضوعنا دخلني في هاردوير و سوفت وير و اعدادات xml و تخريم و تربيط
لكن في النهاية شغلك بيدك يحسسك أنك حي و تنتج هذا غير انك تستفيد من خبرتك في امور مختلفة و انك تتعلم شئ جديد
أما تجاربا فكل سلعة لازم يكون لها سوق يطلبها و يقدر يشتريها، فهل عندنا سوق لمثل هذي السلعة؟ وهل فيه احد ممكن يدفع أكثر من سبعة او ستة الاف فيها؟