السلام عليكم
أخواني أعضاء منتدى الكفي
اليوم حاب إني أسوي موضوع للتسليه و المطلوب من كل عضو إنه يشاركنا بكل أنواع الأجهزه اللي شراها طول حياته وياليت يزودنا بصور للأجهزه و أسعارها و مزاياها إن أمكن.
وياليت المشرف يحاول بنشر الموضوع في كل المنتديات.
وانا راح أبدأ
أول جهاز Siemens M35i
Siemens M35i pictures, official photos
شريته بحوالي 700 ريال و كان ميزه الحوال إنه ضد الماء
ثاني جهاز Siemens SL45
Siemens SL45 pictures, official photos
شريته مستعمل بحوالي 600 ريال و كان ميزته إنه أول جوال بشغل mp3 ويقبل ميموري sd وشريتله ميموري 64MB ب 280 ريال 
ثالث جهاز Ericsson R380
Ericsson R380 pictures, official photos
هذا أول ما دخلت عالم شاشات اللمس و شريته بحوالي 1500 ريال بس للأسف ما كمل معي أسبوعين إلا وإنكسرت الشاشه و كان سعر الشاشه 1200 ريال 
رابع جهاز Sony Ericsson P800
Sony Ericsson P800 pictures, official photos
هذا أول مادخلت عالم الشاشات الملونه والكاميرا ونظام السيمبيان وشريته من الإمارات ب2800 درهم وكان نقله نوعيه بالنسبه لي لكثرة برامجه وقتها وكان من أكبر مشاكله باب الجهاز flip كان ديما بنكسر و إنكسرت علي الشاشه مرتين وغيرتها كل مره ب 900 ريال........نصابين خطوط الشبكه 
خامس جهاز Sony Ericsson P910
Sony Ericsson P910 pictures, official photos
شريته بحوالي 2400 ريال و ما كان يفرق عن ال p800 غير إصدار السيمبيان و عدد ألوان الشاشه و قوة الكاميره على ما أعتقد و الكيبورد و أهم شي خلو الشاشه بلاستيك عشان ما تنكسر 
سادس جهاز Sony Ericsson P990
Sony Ericsson P990 pictures, official photos
شريته بحوالي 2400 ريال وكان يفرق إنك تقدر تستخدم وظائف أكثر والباب flip مقفل و كان جدا اجدا رهيب
سابع جهاز Sony Ericsson Xperia X1
Sony Ericsson Xperia X1 pictures, official photos
انا لا حظت إن كل جوالات السابقه عند البيع ما جابت سعر كويس فحبيت أني أشتري الجوال مستعمل فلقيته بسعر حلو 1200 ريال و كان هذا الجوال مفتاح الدخول لعالم الويندوز موبايل 6.0
ثامن جهاز Sony Ericsson Xperia X2
Sony Ericsson Xperia X2 pictures, official photos
شريته مستعمل ب 900 ريال وكان الجهاز من فيه مميزات قويه في الهاردوير بس للأسف كان يعلق علي بشكل غير طبيعي و ما كمل 3 شهور و بعته
تاسع جوال HTC Magic
HTC Magic pictures, official photos
هذا شريته مستعمل ب 300 ريال 
وكنت شاريه مؤقتا عشان أجرب الأندرويد وكانت تجربه رائعه و بعدها عشقت هذا الجهاز. و على ما أعتقد إن هذا الجهاز هو أول جهاز أندرويد
عاشر جوال و الأخير Sony Ericsson Xperia X10
Sony Ericsson Xperia X10 pictures, official photos
شريته مستعمل ب 900 ريال وحدثته لل 2.3 وكان جهاز غني عن التعريف بس ناقصه بعض المواصفات مثل الرام و الكاميره الأماميه و tv out
الجهاز القادم Samsung I9100 Galaxy S II
Samsung I9100 Galaxy S II pictures, official photos
انا حاليا أفكر إني أقتني هذا الجهاز ليس حب للسامسونج و لكن للمواصفات الممتازه وبالسعر المناسب.
إن شاء الله أكون وفقت في طرح الموضوع اللي ماراح يكنمل إلا بمشاركانكم الطيبه و إعذروني على وضع روابط لأني ما أعرف أرفق صور
وآسف على الإطاله و ومنتظر ردودكم