أهلا بك أخويا ميمو .. بالفعل الإستفسارات اللي وضعتها تهم كل مستخدم للجهاز ( وخاصة الجدد أمثالي ) .. وأنا ملاحظ إنه مافي ترتيب في المواضيع والرومات والتعاريب فالمستخدم يحتار لكن الحمد لله الأعضاء ما يقصروا في الرد على الاستفسارات ..
وأنا ناوي انشاء الله بعد فترة قصيرة لمن تنحل مشاكلي أكتب موضوع ابسط فيه كل اللي استفدته عشان مايحتار واحد ثاني مثل ماحترت انا ..
مع ملاحظة انه في قسم ترقيات اجهزة سامسونج .. المواضيع مرتبة وفيه موضوع مثبت للرجوع للروم الأصلية .. هنا أبغى أرجع جهازي للروم الأصلية وكأنه مو معمول له روت ماني عارف الطريقة ومافي موضوع مثبت بالرغم انه الموضوع مهم .. والشرح هناك يكون واضح لخطوات تركيب أي روم .. هنا ملاحظ الأغلب يجيب الروم ويقلك ركبه .. ممكن تكون الطريقة سهلة وانا ماني عارف كله حيبان قريب ..
على العموم أنا قدني شاري الجهاز مستعمل . فبأجلس أجرب فيه وأجرب وأجرب إلين أطلع بشي مفيد 
* ملاحظة : ماحد رد على الاستنفسار رقم 4 الاستفسارات الباقية وضحت وبقي الاستفسار هذا يهمني جدا ..
هل فيه تعريب يخليني أستعمل التطبيقات العربية وأقرأ الكتب العربية ؟ ولمن أعرب الجهاز هل لازم أعمل له روت ؟ ولو عملت له روت هل أقدر أرجع الجهاز لحالته المصنعية كأنه مانعمل له روت ؟
وشكرا ً لكل من يساهم في هذا الموضوع ويساهم في نجاح القسم بشكل عام ..