السلام عليكم ورحمه الله وبركاته نعم لاتتعب نفسك وتسافر الصين وخصوصا اذا ماكان عندك وقت للسفر وتقدر تطلب اي شي من الصين عن طريق الانترنت ومن موقع جدا جميل وهذا الموقع يقوم بتسجيل المصانع والشركات الحاصله على شهاده الايزو 9001 يعني شغل درجه اولى ومن واقع خبرتي انا طلبت من نفس الموقع وطلبت عده طلبيات والحمدلله كلها وصلت طبعا طلبات بسيطه مثلا عدد 2 نطاطيات وحده كبيره مع بركه سباحه ووحده صغيره للأطفال بسعر جدا جميل الكبيره وصلت قطر بقيمه 5500 ريال والصغيره 1800 ريال الكبيره بعد ماستخدمتها لمده سنه بعتها على محل تأجير نطاطيات والصراحه اول ماشافها استغرب من جوده النطاطيه وهو دايما يسافر الى الصين ويشتري من السوق يعني يشتري درجه ثانيه او ثالثه والسعر اللي بعتها عليه 12000 الف ريال يعني ربحت فيها بعد ماستخمتها لمده سنه والشي الثاني اللي طلبته مروحه لتوليد الطاقه الكهربائيه تولد 5KV للمزرعه ووصلت والحمدلله شغاله احسن مايكون وسعرها تقريبا 22 الف ريال والحمدلله تم استخدام الطاقه النظيفه والتقليل من صرف البترول والديزل في المزرعه والمروحه اتشغل كافه الاناره الموجوده والتلفزيون والثلاجه واذا في الصيف اتشغل مكيف 2 طن والشي الثالث اللي طلبته كور للدحرجه كبيره تنفخ بالهواء ويدخل بداخلها شخصين وبها احزمه للدحرجه من فوق الكثبان الرمليه وهي ممتعه جدا هذي الطلبيه طلبتها بالشحن الجوي تقريبا سعر الكوره الواحده مع الشحن 3500 ريال . ومره طلبت اجهزه للتخسيس وتذويب الشحوم انا شفت الجهاز في مركز طبي خاص صورته وبحثت عنه في الموقع ولقيته الجهاز يباع في قطر ب13000 ريال وانا اشتريته من الصين نفس الجهاز ب1300 ريال والشحن عن طريق البريد المسجل .ومره طلب اضاءاه كالنجوم يعني اسلاك في نهايتها ضوء يتم ثقب السقف ثقوب معينه كالنجوم وتعمل بالريموت لأي لون تريد لغرف النوم او المجالس والاضاءه جدا جميله وممتعه السعر تقريبا ب250 ريال ولكن على حسب مقاس السقف يعني انا طلبت اربع اجهزه ووصلني بالبريد . ومره طلبت قوارب لاسلكيه ذات محركات 2 سلندر تعمل بالوقود للسباقات وطلبت عدد عشره قوارب وطول القارب متر وثمانين سم سعر الواحد 1900 ريال ونفس القوارب يتم بيعهم في محل في قطر بسعر خيالي 6000ريال وبالنسبه للشحن هناك طريقتان شحن بحري وشحن جوي الشحن البحري ارخص بس ياخذ وقت طويل من 30 الى 45 يوم والشحن الجوي اسرع من 5 الى عشره ايام ولكن اغلى وفيه شحن بالبريد . والموقع اسمه www.made-in-china.com وللعلم عند دخول الموقع وفي مكان البحث تكتب اللي تبحث عنه وتلقى اسماء الشركات والانواع وتتم مراسله الشركه التي تريد ويتم ارسال قائمه اسعار وقيمه الشحن بحري او جوي . طريقه الدفع . وحاب اذكر لكم عن موضوع الدفع بالنسبه لي انا اقوم بالدفع عن طريق حواله تلكس بالقيمه كامله ولله الحمد ولا مره حد طنش او قالي ماعندي لك شي يعني الثقه موجوده وفي حاله طلب كميات كبيره حاويه (كونتينر) يتم الدفع 30% عن طريق البنك يعني انت اتروح البنك ومعاك الفاتوره وتقول حق البنك هذا المبلغ كامل وارسلوا 30% من قيمه الفاتوره لين هو يرسل بوليصه الشحن البحري. البنك يرسل باقي الفلوس . اما امريكا انا اطلب من موقع www.ebay.com ولي طلبات كثيره والامان 100% والدفع عن طريق الباي بول وهذا الموقع تقدر ترفع قضيه في اي حاله من حالات الغش والحمدلله مارفعت الا قضيتين وفي هالقضيتين استرجعت المبالغ كامله . وانا انصح اي حد يبي يشتري من اي موقع يفضل انه يدعم طريقه الدفع PAYPAL. وهذا موضوعي وحبيت اتشارك معاكم فيه