موظفوها .. هم رجال أثبتوا أنهم أكفاء " ما شاء الله عليهم " .. وكذلك تعاملهم مع العميل سواء في الفروع أو في خدمة العملاء عبر الإتصال الهاتفي .. فهم يتميزون في سرعة الرد وكذلك التحث بأسلوب راقي .. كذلك نظارة ونظافة الموظف .. على عكس بعض موظفي الإتصالات ومع إحترامي الشديد لهم كأشخاص ..
موقف حدث لي مع موضف خدمة عملاء الإتصالات السعودية .. تخيلوا وأنا جالس أشرح له العطل الفني قام وجرجرني تجرجر .. قوم طف المودم وقوم شغل المودم ( خلاني خادم له هو ووجهه ) وتالي أقوله ما اشتغل النت .. أثاريه مو عارف السالفة .. ولمن طالت المكالمة ما بين شغل وطف في المودم .. وأنا أشرح له آخر التطورات قطع كلامي وقال ( اسمع " هذي حط تحتها خطين " أول تسمع كلامي وتالي تتكلم ) اللي مثل هالموظف ويش ودك تسوي له .. ما ودك تقطعه .. لا يقولها بدون نفس .. اللي يسمع كلامه يقول طارين النت من عند أبوه .. ما يدي أن راتبه من هالنت طقه حبله ..
وكما قال الأخ .. الحـ دروس ـياة
مستعد أدفع لموبايلي .. ولا أدفع حق الإتصالات .. على قولة الشباب ( شركة الإختلاسات ) حياة أنهب
لكن اليد بصيره والعين قصيره .. أوه عفواً .. العين بصيره واليد قصيره .. النت مالنا إلا شركتهم .. لأن سرعاتهم هي اللي تلبي احتياجاتي ..
موفقين