طبعاً أنا حالي مثل حال كل الأخوان اللي ضربوا أسداس في أخماس: ليش أنا بالخصوص؟
قلت يمكن فيه واحد بالمنتدى قريب من اسمي و أنا ما أدري؟ والله فرصة سعيدة!!!
بعدين عرفت الحركة لما سويت لوق أوف
حركة حلوة تشجع على المشاركة، حتى أنا شاركت، تصوروا؟؟!!
ما أطول عليكم:
أنا دائماً اشتري من الإنترنت: ملابس و إكسسوارات و قطع غيار سيارات و كثير كثير، عندي صندوق في أمريكا مع شركة USABOX كنت دائماً أستخدمه من زمان بس وقفت لأن أسعارهم ارتفعت، و استخدمت بريد واصل كم مرة، استخدمت صندوق أخوي من شركة DHL بس تركته،
أفضل المواقع طبعاً هو الأمازون، بس يحتاج البحث و التقصي لأن الأسعار تتغير،
السنة هذي شريت منهم آيبود لما كنت مسافر أمريكا، و دفعت حق بريد سريع، بس تأخر عن موعد وصوله فكلمتهم و على طول أرسلوا لي واحد ثاني على أقصى السرعة، المهم وصلوا اثنينهم في نفس اليوم و هم ما حاسبوني إلا على واحد منهم بس!
الـe-bay مش سيء بس لازم الواحد ينتبه من مين يشتري، يعني سمعة البائع مهمة قبل الشراء
بالإضافة إلى ضرورة استخدام الـ Paypal كوسيلة للدفع للمحافظة على حقوقك كمشتري
مؤخراً طلبت اكسسوارات حق الآيفون والبلاك بيري و حتى قطع غيار لجوالي العتيق HTC Touch Cruise
فيه مواقع صينية كثير، فإذا الواحد ما هوه مستعجل يقدر يطلب منها بس ينتظر من 10 أيام إلى شهرين لغاية ما توصله البضاعة، مثلاً موقع DEALEXTREME اشتريت منه شاشة اللمس DIGITIZER حق جهازي بـ 27 ريال تقريباً و بدون أي بريد (الوكيل هنا يطلب 250 ريال حق هالقطعة)، و لما تأخر البريد اشتكيتهم عند Paypal فرجعوا لي فلوسي بدون نقاش، ما تسوى عليهم!!
يمكن أشتري من عندهم جهاز GPS بشاشة 6 إنش كامل المواصفات بحدود 90 دولار و بدون أي بريد.