اقتباس:
المشاركة الأصلية كتبت بواسطة msemaan
العفو يا غالي ما في شي من قيمتكون ، واذا صار معكون شي مشاكل تانية ، اطرحوها هون بركي منشوف حلها
DigitalPerson سأل الأسئلة التالية ، ولقيت انو المحل الأنسب للجواب هون
انا ايضا من سوريا و بستمعل شبكة سيريتل
و بدي اسالك كم سؤال عن ال ال nexus one اذا ما فيها ازعاج لانو ناوي اشتريه ان شاء الله
1-كيف اشتريت الجهاز و من اين و كم كان سعره؟
2-هل يوجد مشكال هاردويرية في الجهاز لانوسمعت في مشكلة بال 3g الاخاصة بالجهاز و بال wifi
فهل جربت ال 3g مع سيريتل
3-هل اشتريت الجهاز المتوافق مع at&t ام t-mobile?
4-ما رياك بالجهاز بشكل عام؟
1- الجهاز اشتريته من برات البلد وجبلي ياها احد المغتربين يلي بعرفون بأمريكا ، بس سمعت انو صار في محلات بالشام وبحلب عم تبيعو (يمكن محل digitalnet) بس انا عملتلون زيارة من اسبوع والشباب يلي كانو عم يشتغلو فيه قالولي انو كم اسبوع وبينزل عندون (بس يمكن حكي تجار ، لانو حسيت من نظراتون انو بحياتون ما سمعانين فيه)
2-3g اسا ما جربتوه عليه ما فيني فيدك بالموضوع (بس مشان المشكلة نزل تحديث من شركة الغوغل مشان يحلها ، وبعتقد انحلت وكانت المشكلة بسيطة كتير بشرحلك ياها اذا بدك)
اما بالنسبة لل wifi شغال وعين الله عليه مشكلة الوحيدة انو ما بيلقط شبكات ad-hoc (يعني الشبكات يلي بيعملها كمبيوترك نفسه بدون router) بس بعتقد هل مشكلة رح تنحل قريبا ، طبعا وحليتها انا مؤقت عن طريق Windows 7 وبرنامج connectify متل ما مشروح فوق
بس ال wifi بالمحلات ومناطق الوايرلسس شغال 100%
3- الجهاز يلي معي متوافق مع كل شبكات العالم و هوي unsubsidized يعني مانو مرتبط باي عقد مع شركة المشغل (ببلاد براوخصوصا اميركيا وغيرو ، شركة الاتصالات بتعمل عقد مع شركة التلفون وبتنزل التلفون مرتبط فقط بمشغل الشركة وبتكسر سعره كتير ، بس بنفس الوقت بتفرض عليك تستخدم الشركة سنتنين)
هلق في نسخة من النكسس unsubsidized يعني بدون عقد ، وبتشتغل على كل الشبكات متل كانك عم تشتري اي موبايل تاني نوكيا مثلا ، بس بيجي سعره اغلى ، انا هادا الجهاز يلي جبتو
4- الجهاز بشكل عام رائع ، واحسن جهاز مر عليي ، بس بدك مين يقدره ، وبدك مين يفهم عليه ويفهم شو معناتا android open source ، شاشته رائعة ، صوتو شوي واطي (أسوا شي فيه ، بس انا ما كتير بهمني) ، بطاريته عاديه ، ما كتير قويه ، وما كتير خفيفة ، يعني انا جربتها بدون ما شغل gps ولا wifi وبلا ما العب عليه ، وضاينتني شي يومين تقريبا بدون شحن.
واي شي تاني انا بالخدمة
|
الله يعطيك الف عافية اخي ما قصرت
بالنسبة لنسخة الجهاز انا شفت من صفحة شراء الجهاز من موقع غوغل حتى اذا بدك تشتري الجهاز بدون عقد موجود نسختين بيختلفو بترددات ال 3g حسب المشغل
https://www.google.com/phone/choose?hl=en&gl=US&s7e=
انا بحثت بالنت و قالو في رقم بكون مكتوب تحت البطارية و على حسب هاد الرقم بتعرف نسخة الاجهاز
PB99100 is Tmobile compatible
PB99110 is AT&T compatible
اذا مافي غلبة كمان فيك تشوف الرقم الموجود تحت البطارية بالجهاز
وشكرا كتير مرة ثانية