اقتباس:
المشاركة الأصلية كتبت بواسطة kuwaitawya
مشكور أخوي سفاري يعطيك العافيه على المجهود الأكثر من رائع
أخوي سفاري اذا شريت جهاز من بره لازم افك حمايته عشان اعربه؟ لان انا لما شريت hd وقبل لا ابيعه عربته بدون فك حمايه هل لاني شاريته من الكويت؟
وسمعت انه الآي فون اذا طلبته من بره ياخذون عليك ضريبه وسمعت انه الآي فون ما نقدر نطلبه من بره هل الكلام صج؟
|
العفو والله يعافيج اختي
اي نوع من الاجهزه تقصدين؟؟؟ اذا كان من فئة البوكيت بي سي نعم لازم تفكين الحماية وبعدين تعربينه والعملية سهله جدا واذا كان Htc Shift ما يحتاج لانه يحتوي على جميع اللغات والكمبيوتر اللي الحين اكتب منه شاريه من بره وفيه عربي وال HD اللي بعتيه نعم عربتيه لانج شاريته من الكويت.
وبالنسبة للاي فون ما ياخذون ضريبة الظاهر اللي قال لج كان يايبه عن طريق ال DHL ومع هذا ما انصح تشترينه من بره لانه مقفول وفتحة يبيله قصه وخساير,,, اشتريه من هني شرط يكون مفتوح رسمي من المصنع,,, اهو افضل من البوكيت بي سي بالنسبة للبرامج والالعاب بس ما اضمن انه يناسب متطلباتج