مشكله الايفون مو راضي يشحن نهائيا :(
 

السلام عليكم ياجماعه الخير

عندي مشكله بالايفون انه مو راضي يشحن نهائيا .. الايفون كان فيه 20% شحن وضعته على الشحن ثم جيتله ولا فيه 1% بالاميه جان تطلعلي هاذي الكلمه (([color=blue]ضجيج ناجم عن التداخل الخلوي[/color] ))

وعقبها طفى الايفون .. ارد اضعه على الشحن لا يشحن عندي .. وضعته على شحن الاب توب ايضا لا يشحن .. عملت طريقه الضغط على الايفون من الباور زائد الهوم لمده 15 ثانيه ايضا لا يشحن

الغريب اني لما اضغط على زر الباور تطلعلي علامه البطاريه الحمرا انه الجهاز يبيله شحن !! لاكن من اوصله لا يشحن !!


علما انه جهازي 3gs فيرجن 4.0 مفتوح رسمي ماصارلي اسبوع ماخذا ... لاكن للاسف من غير كفاله


ارجو القى الحل من اهل النخوه :(

اضغط على هوم وبور الى ان تطلع التفاحة خلي يشتغل وبعدين اشحن
اذا ما اشتغل جرب تغيير الكيبل

افتح الايتيونز وأشبك الايفون بالكيبل وراح يشتغل معك

جرب تغير الكيبل او الشاحن صارت عندي نفس المشكله
انا غيرت الشاحن ومره غيرت الكيبل

يعطيكم العافيه ياجماعه

كل الي قلتولي عليه جربته .. ضغطت على البور مع الهوم وطولت عليها وما صار شي

وصلت الايفون بالايتونز وهم ما صار معي

غيرت الكيبل وعملت كل الي سبق وايضا ما صار شي ... اعتقد المشكله من الايفون نفسه او من البطاريه المشكله ما صارلنه اسبوع من خذينه الجهاز

اخوي هل عمرك وصلت الايفون بكيبل السياره او كيبل الصوت

لان كانت تطلعلي كلمت ضجيج ناجم عن التداخل الخلوي

اذا كنت شابكه وبعها ما شحن الجهاز حتمال والله اعلم
يكون (اي سي فلاش) عطلان عندك

 

اخوي kuwait04 اعتقد اكيد الـ اي سي فلاش لانه وديته المحل قالي شغلتين يا البطاريه يا الـ اي سي فلاش .. وانا ما اعتقد من البطاريه!

بس شنو هذا الـ اي سي فلاش ؟؟

الاي سي فلاش هذي قطعه تابعه للهارد وير ومكان هذي القطعه بعد مدخل الشاحن والي توصل حق البطاريه الطاقه

ولكن تاكد انه الاي سي فلاش عندك عطلام مو البطاريه

حاول انك اتركب الشاحن وخل الايفون يشحن اكثر من ساعتين ولا تفصل الشاحن عن الافون وشغل الجهاز اذا اشتغل
قد يكون من البطاريه

اما اذا ما شحن نهائيا يكون الاي سي فلاش عطلان

وتقريا تصليح القطعه بما يقارب 40 دولار امريكي

بس تاكد انه يشتغل بالجهاز تحت عينك يعني لا تعطيه مجال ياخذ اي قطعه من جهازك ويستبدلها بوحده مصلحه

ارجو اني افدتك

ومبارك عليك شهر رمضان