الكمبيوتر الكفي - حل مشكله عدم تعرف الجهاز على الايفون .. او التعرف عليه بانه كام

[CENTER][SIZE="4"]بسم الله الرحمن الرحيم

تحيه طيبه ...

واجهتني مشكله قبل فتره اني حاولت اسوي جيلبريك لاكثر من جهاز ايفون وايباد .. وصارت عندي مشكله تعرف الكمبيوتر على الاجهزه المتصله .. النظام عندي windows 7 - 64bit
وصار النظام يتعرف على الايفون كانه جهاز كاميرا .. وما يطلع لي لا بالايتيونز ولا بجهاز الكمبيوتر
[url=http://www.msa2at.com/upload//uploads/images/domain-330a68581a.png][img]http://www.msa2at.com/upload//uploads/images/domain-330a68581a.png[/img][/url]

وبحث طوييييييييل وما لقيت الحل بشكل مباشر ولكن مجموعه حلول جربتها الى ما ضبط معاي .. بالمواقع العربيه ما لقيت ولا شيء .. السابقه تسجل لمنتدى الكمبيوتر الكفي العزيز
....

فيه حل سريع وسهل ممكن ينفع .... اجهزه ابل لها مثل ما نقول مركز تحكم ... نسوي له اعاده تشغيل .. ينفع .. صارت المشكله معاي اكثر من مرره ونفع الحل هذا في كذا حاله
[url=http://www.msa2at.com/upload//uploads/images/domain-8fc9f104ca.png][img]http://www.msa2at.com/upload//uploads/images/domain-8fc9f104ca.png[/img][/url]
من جهاز الكمبيوتر زر يمين > ادارة
ومثل ما واضح بالصوره ندخل على Service and applications
بعدين Service
نبحث باليمين عن apple mobile device
وفي تحت ipod Service
نضغط على كل واحد زر يمين او من القائمه اليسار نختار اعاده تشغيل Restart
طبعا نسوي الحركه والجهاز مفصول ... ونرجع نشبك وان شاء الله يتعرف
لو ما تعرف .... الحل الثاني اللي نفع معاي بكذا حاله سهل لكن يحتاج وقت شوي
اي جهاز نوصله بالجهاز يتعرف وينزل له تعريف .. نروح نحذف كل التعاريف لكل الاجهزه الايفون والايباد والايبود او على حسب الجهاز اللي عندي ونرجع نشبكه ..
من جهاز الكمبيوتر زر يمين اداره او لوحه التحكم نروح على اداره الاجهزه
[url=http://www.msa2at.com/upload//uploads/images/domain-2f4e296455.png][img]http://www.msa2at.com/upload//uploads/images/domain-2f4e296455.png[/img][/url]

ومن القائمه اليسار نختار Devices Manager
ومن قائمه العرض نختار عرض جميع الاجهزه المخفيه
ومثل ما نشوف بالصوره نمسح التعاريف لاجهزه الايفون او الايباد .. برضو ندور عليها بالقوائم الثانيه احيانا نلقى apple recovery mode
نمسح الجميع ونعيد التشغيل ... ونجرب..
لو ما نفع .. الحل الاكيد والنهائي ... برضو يحتاج وقت شوي
نحمل الايتونز من الموقع
ومن لوحه التحكم نروح الى البرامج .. اضافه/ ازاله برامج
ونمسح البرامج هذه ... مع التاكيد ان اذا خلص اي برنامج وقالك اعاده تشغيل لازم نقول لا .. ونخلي اعاده التشغيل بعد ما نمسح البرامج كلها

iTunes
QuickTime
Apple Software Update
Apple Mobile Device Support
Bonjour
Apple Application Support (iTunes 9 or later)

في اضافه بالموقع ان مجلدات لازم تمسحها انا شخصيا .. بعد ما امسح البرامج المجلدات ما القاها لكن لو حبيت تتاكد تقدر تشوف الرابط هذا
[url="http://support.apple.com/kb/HT1923"]http://support.apple.com/kb/HT1923[/url]

وبعد الحذف واعاده التشغيل .... نثبت itunes وراح يشتغل ان شاء الله تمام التمام
....
حبيت اشارككم حل المشكله اللي عقدتني لفتره طويله .. وما في حل بالمواقع العربيه
....
شكرا - اللهم تقبل دعائنا وطاعتنا
[/SIZE][/CENTER]