مقارنة بين اجهزة سامسونغ و ابل من منظار شخصي
 

بصراحة من كثر حيرتي مع سامسونغ وابل قررت اقدم لكم مقارنة بسيطة بين الشركتين من خلال استخدامي لبعض اجهزتهم هذه المقارنة اتمني ان لا ياخذها البعض بماخذ شخصي فانا ابحث عن الافضل واذا كان هناك معلومة خاطئة لا مانع من تصحيحها ساطرح من خلال المقارنة المزايا والعيوب التي واجهتني في كلا الشركتين :
الجهاز الذي استخدمته من ابل :
١- لاب توب ماك بوك برو ١٥ انش ومعي الان قرابة ٦ سنوات
٢- ايفون ٤ قرابة سنتين
الجهاز الذي استخدمته من سامسونغ :
١- جوال اومينا ٢
٢- جالكسي تاب ٨.٩

[U]المبلغ المالي :[/U] في كلا الشركتين لم يزيد السعر عن ٢٥٠٠ سوا ابل او جالكسي
[U]الراحة في الاستخدام [/U]: سهولة في الحمل ربما في ايفون اتعب قليلا اذا كتبت فترة طويلة ولكنه نادرا
[U]اللمس :[/U] مع ابل رهيييييييييييييب وكانك تنقر على الشاشة بطرف اصبعك / مع الجالكسي اومينا ثقيل اللمس فيه وجالكسي افضل ولكن لا يصل الى الايفون
[U]المتجر[/U] : ابل لك حرية في شراء ماتريد من البرامج وطريقة التحايل سهلة بمجرد تغير الدولة تفتح اي متجر تريد / جالكسي : :ranting2: ياويلي من المتجر ويلاه خصوصا فالسعودية لا تظهر الا البرامج المجانية او تعمل روم عشان تقدر تنزل برامج ابو فلوس = فلوسي وانا حر ياناس:ko2:

[U]المتصفح :[/U] طبعا انت حر فكلا الشركتين لكن الغريب فجالكسي التعليق بشكل واضح سواء التاب او من قبل الاومينا او يقفل المتصفح فجأة ولو رجعت مارح تلاقي الصفحات اللي كنت فاتحها والمصيبة العظمى هومتصفح لا يعمل في السعودية ليش:ranting2::ranting2::ranting2:سكاي فاير/ في ابل استخدمت الاثنين سفاري وفايرفوكس ممتازين روح وغيب ترجع تلاقي كل شي زي ماهو

[U]التنقل بين البرامج [/U]: ابل تنتقل وتعود بدون مشاكل اذا صار في تعليق نادرا بس يكون برنامج واحد وبالتحديث ينتهي كل شي اما الجالكسي بعض البرامج علقت معي لكن مو زي المتصفح علقان على طول

[U]ارسال والاستقبال[/U] : طبعا الافضل للجالكسي بسهولة ويسر ترسل بين الاجهزة المختلفة سواء بلوتوث او واي في اما الابل شكلها عندها عقدة في الارسال اصلا بلوتوث انساه طيب معذورين عندهم سرعة النت تكفي لارسال فلم اما عندنا الصورة عشان ترسلها تطول ليش مايخلولنا البلوتوث :wacko:

[U]البطارية [/U]: كلاهما ممتازة وتطول حسب الاستخدام

[U]التحديث[/U] : اذا سمعت ابل عملت تحديث معناه في تصليح في شي جديد بمجرد تضغط الزر تتم الترقية والتحديث اذا اردت والله مافي اسهل من الترقية ل او اي اس / جالكسي كل ما ضغطت تحديث يكتب لايوجد محدث وقرات في المنتديات عشان تحديث لازم تعمل روم غريبببببببببة:(

[U]دعم العربية[/U] : في ابل مدعومة ١٠٠٪ في جالكسي ٥٠ ٪ السبب لقيت العربية في الجهاز من شريته بس الخطوط في المتصفحات تجي ملخبطة ماعرف ليش


[U]في النهاية : [/U]
اعرف الاغلب راح يقول طيب انت مقتنعة ١٠٠٪ بابل ليش تشتري جالكسي ؟؟:confused::confused:
الجواب :
انا احب التغيير والتجديد وتجربة مختلف الاجهزة علشان قبل احكم اكون كونت خبرة

[U]المؤسف[/U] : اشتريت جالكسي تاب ٨.٩ جديد بسبب دعم الجافا الغير موجود في الابل لكن تفاجئت حتى في الجالكسي غير مدعوم جربت كل المتصفحات والسبب ربما يكون السبب اننا فالسعودية :(:(:( لا تستغربوا لانه في السعودية غير الدول والله جربت مع الاخ ابو الريم من عمان ويشتغل معاه عندنا لاااااا

الحل : عمل الفة بين الشركتين ;););)
[B][U]تبغى جهاز تمام قوي برامج وكل شي[/U][/B] : خذلك ابل
[B]تبغى حرية فاللعب بالنظام ، دعم فلاش[/B] : خذلك سامسونغ / اعتقد انها تنفع للخبراء اكثر من المستخدم العادي لان الجهاز مايزبط معاك لين تنزله روم
وللاسف حتى روم مافي بحثت فرفرت في قوقل عن روم جالكسي تاب ٨.٩ والله مالقيت وهنا لقيت روم بس معرف لاي نوع .....
اتمنى من اهل الجالكسيات ومحبي الاندرويد يجوا يعدولوا الفكرة لاني بصراحة قررت ابيع جالكسي تاب والله شريته ٢٥٠٠ :( واي في و ٣جي بس ايش الحل ؟ اخليه ذكرى مثلا

المقارنة شويا غير عادلة خدي لك كلاكسي س 2 أو نوت و قارني مع الأبل
الأمنيا 2 و الوينداوز موبيل حرام عليك :ko2::(

مشكور اخ هولاند طيب انا اخذت اخر جهاز نزل وهو جالكسي تاب ٨.٩ مو معقول ارجع بعدها بفترة بسيطة واشتري نوت ؟ ما اعتقد ان التجديد والفروق كبيرة ؟ والا كان ظهر في الجهاز الجديد
طيب انت خد ايفون ٣جي و ايفون ٤ وخدلك ايفون ٤اس صح في تغير فالسرعة الكام لكن الجودة البرامج نفسها بجودتها
انا وحدة مقهورررررررة على فلوسها اللي راحت على جالكسي تاب الجديد والان تقولي اخد نوت ؟؟؟؟ محال

مشكلة أجهزة الجالاكسي تاب والتابلت الأندرويدي بشكل عام إنه فيه قرص العسل
مشكلة قرص العسل إنه أول وآخر روم من أندرويد مخصص للتابلت و مشاكله كثيره جداو ما يدعم برامج كثيره.
عشان كذا الأندرويد أصدروا الآيسكريم ساندويتش ووحدت للتابلت و السمار فون للتقليل من المشاكل
بعدين لما تقارني بين شيئين فيفضل إنك تقارني جوال بجوال آيفون 4s مع SII أو Razr و هكذا عشان تكون المقارنه عادله


تحياتي

اشكرك اخ اسحاق بصراحة مقارنتي للشركة نفسها مع الثانية السبب اني استخدمت لاب توب ابل ومقارنة جالكسي تاب تقريبا وايفون مع اومينا ....
نقاط المقارنة لم تختلف مثلا هل سامسونغ في الاجهزة الجديدة غيرت المتجر وصارت البرامج تنزل كاملة المجاني والمدفوع بدون اغير الرام؟
هل المتصفحات توقفت عن التعليق؟؟
طيب هل التحديث الايسكريم يركب عالجالكسي تاب؟؟

عذرا لكن المقارنة غير عادلة

الصحيح تقارني بين ايفون فور اس والاس 2 جالكسي وبعدين حكمي

وعليه فكلامك غير مقياس بالمرة

بصراحة ماادري انتي قارنتي أبل مع شركة غير سامسونج والا فعلا سامسونج
كل الي ذكرتيه لم اشاهدهـ بالنوت الخآص في ..

وبالنسبة للتاب كان عندي تاب وبعد مااشتريت النوت اعطيته اخوي
بالنسبة للتاب مقارنه للأبل اخطيتي كثير ..
لانك تقارني جهآز ( تاب و أومينا ) بشركة أبل كآملة من لاب وجوال
ادخلي اليوتيوب وشاهدي المقارنات بالصوت والصورة
.
.
لندخل لمقارنتك الآن .. ونقف عند خبرتي فيها

[COLOR="Red"]اللمس : مع ابل رهيييييييييييييب وكانك تنقر على الشاشة بطرف اصبعك / مع الجالكسي اومينا ثقيل اللمس فيه وجالكسي افضل ولكن لا يصل الى الايفون[/COLOR]

غريبة اللمس بابل افضل :confused:
بالنسبة للنوت والجالكسي اس2 أسرع باللمس
ولك انت تقارني بينهم .. وراح تجدي الفرق الشاسع عند سامسونج

.
.
[COLOR="Red"]المتصفح : طبعا انت حر فكلا الشركتين لكن الغريب فجالكسي التعليق بشكل واضح سواء التاب او من قبل الاومينا او يقفل المتصفح فجأة ولو رجعت مارح تلاقي الصفحات اللي كنت فاتحها والمصيبة العظمى هومتصفح لا يعمل في السعودية ليشسكاي فاير/ في ابل استخدمت الاثنين سفاري وفايرفوكس ممتازين روح وغيب ترجع تلاقي كل شي زي ماهو[/COLOR]

لم اواجه المشكلة هذهـ بالتاب من قبل ..
أما بالنوت اقدر افتح اكثر من صفحة وانتقل لها باريحيه تامه
دائما ماافتح ثلاث او اربع صفحات متفرعه ..
وياتي بالاعلى عدد الصفحات التي تم فتحها .. اضغط عليها يعطيني مصغرات للصفحات
اختاري الي ابيها وافتحها والبقية بالانتظار اذا لم اعطيها الغاء ..

بالنسبة للسرعة اعطيك تجربه خاصه انا جربتها والله
احد الشباب بالاستراحة معه ( ايباد2 ) ودائما مايمدح بالجهاز
وقلت له بان النت بالاندرويد اسرع بشكل خيالي قال مستحيل
ولما بدأ التحدي اجتمع الشباب وقلنا نفتح اي موقع ونشوف ..
فتحنا قوقل .. وبقوقل كتبنا ( سبق ) والكل يشاهد
قالوا الشباب اضغطوا مع بعض
صاحب الأيباد ضغط على موقع سبق وانا انتظرت
قال لي اضغط .. انتظرت حوالي خمس ثواني وبعدها ضغطت
تخيلي .. فتح عندي سبق قبل ان يفتح عندهـ .. وهنآ بدأ يقول بان جهازهـ مليان برامج
وبعد مشاهدة برامجه وبرامجي اتضح ان برامجي اكثر منه والمساحة المتبقية اقل منه :thumbup:
هذهـ تجربه مني شخصيا .. واتحدى اي جهاز لابل أن تواجه سرعة النوت أو اس2

[ame="http://www.youtube.com/watch?v=I_7ElXoB7Lw"]http://www.youtube.com/watch?v=I_7ElXoB7Lw[/ame]
.
.

اخبرك بشي ..
إذا اردتي ان تقارني بين أبل وسامسونج
قارني بين اس2 وايفون 4 أس
وشوفي المقارنه لمين تكون ..
لا اريد أن تقارني ابل بالنوت .. لان المقارنه ظالمة بحق النوت
للآن ماوصلوا شركة أبل لقوة النوت من تصفح وسرعة اللمس وغيرها ..

.
.
سوف ابقي بعض من الكلام للرد على ردك :confused4:

يا اخوان لم اقصد من المقارنة الحط من شركة و رفع الاخرى انا نقلت تجربة شخصية لي في استعمال الاثنين
بالنسبة للاخوان اللي مدحوا النوت يعني ان الشركة تلافت اخطائها فالنوت بس ؟ يعني نبيع جالكسي تاب مع انه جديد جدا ونشتري ثاني ؟؟
ماقصدته ان ابل في جميع الاجهزة ستجد القوة وعدم التعليق وحرية في المتجر

لم اجد احد تطرق للمتجر؟ هل تلافت اخطائها فقط في النوت ؟؟
في ابل اذا كانت في اخطاء بمجرد انك تحدث ستحصل عالجديد لو كان جهازك اصدار قديم فلن تضطر الى اقتناء كل حديث من اجل الحصول على مميزات افضل

ياجماعة افهموني انا الان املك جهاز جديد ب٢٥٠٠ جالكسي تاب ٨ ماستفدت منه شئ ولا افهم السبب؟ طيب اصحاب النوت ابيعكم هوا احسن ����
الغريب شركة تنزل جهاز وبفترة وجيزة تنزل الثاني يعني بدل مايعدلوا فيه يضيعوا عالناس اللي اشتروه����

طبيعي اخي انك ستجد معارضين
الحقيقة ان لكل شركة مساوء ومحاسن

ابل : سهولة الاستخدام وبرامج تفتح النفس

سامسونج : جوالات خارقة وشاشات كبيرة ممتازة جدا لتصفح وبعض الالعاب

والي يقول لك ملمس الجالكسي اين كان تو ولا نوت افضل من الايفون يراجع كلامة

والي يقول التصفح افضل في الايفون من الجالكسي تو او نوت يراجع كلامة

مشكور اخ جالكسي
طيب واللي يقول التحديث في ابل افضل يراجع مين ؟؟ الشركة ؟؟
في ابل اللي معاهم ٣جي يستمتعوا بتحديث اي او اس والسرعة وكل شي بسهولة ولا يحتاج يشتري ايفون او ايفون ٤ او اس٤ طيب هل يوجد هذا الشئ في سامسونغ ؟؟ يعني اقدر احدثه --- رغم انه كل ما اسوي تحديث يقول كله تمام مايحتاج المهم هل اقدر انزل الايسكريم على قرص البصل اللي امتحنتنا الشركه فيه ؟
واللي يمدح النوت هل استطيع الاستفادة بكل المميزات في جالكسي تاب لو حدثته نفس نظام النوت ؟؟

[COLOR="Red"]والي يقول لك ملمس الجالكسي اين كان تو ولا نوت افضل من الايفون يراجع كلامة[/COLOR]

بدون مااراجع كلامي .. انا اقولك شي عن تجربه
تقدر تقارن بين نوت او اس2 مع اي ايفون وتشاهد السرعة باللمس
ضع الجوالين بجانب بعض .. وحرك التطبيقات باللمس
ادخل على قائمة الاسماء وانزل للأسف وشاهد اي منهم اسرع
ادخل على البرامج وغيرها وشاهد سرعة اللمس ..
.
.
بالنسبة لصاحبة الموضوع
النوت مثل الاس2
ولكن فيه ميزة القلم شي خيالي .. تحرير الصور والكتابه وغيرها

حتى لا نطول بالحديث عن المقارنة بين أبل وسامسونج
راح اضع لك جزئين للجوالين وشاهديه للأخير .. وراح تعرفي الفرق بينهم
وتعرفي كل ميزة لكل شركة كانت ابل او سامسونج ..

[ame="http://www.youtube.com/watch?v=sNUzYt4Oyug&feature=related"]http://www.youtube.com/watch?v=sNUzYt4Oyug&feature=related[/ame]

[ame="http://www.youtube.com/watch?v=j3R_gxs4MUw&feature=related"]http://www.youtube.com/watch?v=j3R_gxs4MUw&feature=related[/ame]

السلام عليكم ورحمة الله

أنا مع كلام صاحبة الموضوع إلى الان أجهزة أبل هي التي الافضل من ناحية البرامج و الالعاب وثبات النظام وتصفح الانترنت وسامسونج أفضل من ناحية التواصل من ناحية التوصيل بالكمبيوتر والبلوتوث و خفة وزن الجهاز .

طبعا كلامي هذا قلته بعد تجربة كل من : جالكسي اس ، جالكسي ايس ، جالكسي اس 2 ، جالكسي نكسس ، جالكسي تاب ، آيباد ، أيفون 3جي اس و 4 و 4 اس .

وكل واحد ووجهة نظره

يعطيك العافية اخت صدى الذكريات بصراحة مداخلة حلوة حيييل
لكن تظل المشكلة عندي قائمة وهي :
١- المتجر الاخ مجربه فالكويت اظن لكن عندنا فالسعودية مختلف لا يظهر الا المجاني او تسوي روم
٢- التحديث يعني عندك جهاز جديد جالكسي نوت او اس ٢ تمتع بالمزايا اما عندك اقدم منهم لا ارميه واشتري الجديد علي عكس ابل فالتحديث يجعلك لن تحتاج لشراء جهاز جديد وفي نفس الوقت تستمتع بالمزايا

يعني من دحين لقدام انتبه تاخدلك جالكسي يطلع جهاز جديد وتموت بحسرتك فالقديم اقصد الموديل اللي قبله بكم شهر بس اما ابل خدلك جهاز وتاكد لو بعد ٥ سنين راح تستمتع بنفس مزايا الجديد اللهم تغير طفيف ممكن تستغنى عنه

مشكور ابو دجين على المرور شكله الواحد ياخد اي باد وجالكسي نوت ويريح راسه

ماحدش يقدر ينكر قوة نظام ابل من حيث الثبات والتطبيقات .... من تجربتي الابل نظام مغلق علي نفسه ومتعب في التواصل مع الاجهزة الاخري عكس الاندرويد .... وانا شايف ان نظام الايس كريم ساندوتش طفرة ونقلة نوعية للاندرويد وهايتخطي الابل بكل تاكيد من حيث الثبات والتطبيقات والدعم القوي من جوجل ... والاندرويد ليه طعم مميز وذلك من خلال الاضافات ووالتعديل عليه من المطورين ودي افضل ميزة في الاندرويد ..... محمد عاشق الاندرويد

مشكور اخ تانقا عالمرور

يا اصحاب النوت : احد جرب المتجر فالسعودية؟؟ هل تظهر التطبيقات المدفوعة؟ جرب متصفح سكاي فاي هل يعمل ؟؟ لانه الوحيد اللي يدعم الجافا الخاصة بالغرف الصوتية كالدردشة مثلاً
والتحديث تقدر تركب الايسكريم على اي منتج جديد لجالكسي : كالاس ٢ او جالكسي تاب؟؟

المتجر في الأندرويد سيء جدا....... ليه ...... لأن شركة جوجل ما هي فاتحه الماركت كامل للسعوديه بحجة إن مالها مكتب دعم في الشرق الأوسط
والحل لفك الماركت غير عملي جدا لازم يكون عندك روت وتشيل تحديث الماركت وشغلانه طويله وإذا تبغى راح أشرحلك هي بعد ما تسوي روت للجهاز
هذا عيب الأندرويد إلى الآن بوجهة نظري
بالنسبه للجافا راح أبحث عن طريقته
أما تحديث الآيسكريم راح ينزل لل SII و TAB خلال الربع الأول من 2012

مداخلة بسيطة


المعالج بالتاب 8.9 والـ 10.1 مش بالقوة المطلوبة ، اللي هو التيجرا ، وكافة الأجهزة اللي تعتمد على التيجرا
لذلك الأجهزة اللي تحمل معالج سامسونج الاكسينوز أفضل بكثير من التيجرا ، نصحت أحد الأصدقاء بالتروي لحد شراء الـ 7.7 تاب وقد أعجبه كثيراً خصوصاً إنه يأتي بمعالج سامسونج الأقوى وحالياً هو أحد ملاكه

الأومنيا 2 ، كمستخدم سابق له ، والجهاز عندي للآن ولكن لا أستخدمه ، لا يمكن مقارنته مع الأجهزة الحديثة من سامسونج بأي شكل من الأشكال ، جميع بورتات الاندرويد له جائت بجهود المطورين ، وجميع الرومات غير مستقرة ولا أعتقد أنها مناسبة للاستخدام اليومي ، وحتى اللمس تعبان لأن تقنية اللمس مختلفة جداً عن التقنيات الحالية ، مع إن أيامها اللمس كان أقوى من نظائره التي تعمل بنفس التقنية ، حالياً عندي جالاكسي اس 2 وفرق السماء والأرض عنه باستخدام الاندرويد ، النظام سلس بشكل غير طبيعي واللمس به سريع ، هذا بمقارنته مع الاومنيا ، فلذلك أي مقارنة بينه وبين الآيفون بأي موديل من موديلاته لا تعتبر منطقية البتة ، لأن الأومنيا أساساً ويندوز فون وليس أندرويد ، وجميع موارد الجهاز أقل قوة من الجالاكسي الأول


وشكراً

ياجماعة فية اختلاف بالمعالجات وغيرها
شخصيا عندي صاحبي يبي يدخل جامعة الملك فيصل. بالباد. ابل. ما يدخل. ليش. يقول. مايشغل فلاش. الا تعتبر هذة ميزة بالتابلت ي لسامسونج. صحيح. غوغل لاتدعم الاب سترر خاصتها. لاكن تجد الكثر والكثير. مع اني. الالدي ملاحظة. بالستور الخاص بالاندرويد. اصبح شكل الايقونات افضل بكثير من قبل
) ازعجني. كثيرا. عن قراءة. ان قرص العسل. لايدعم الكثير من التطبيقات. وعندي تاب 7 بلس. افكر في بيعة. لانزعاجي. من ما كتب. عنة. تحياتي لكم

أخي الكريم آمل أن تقبل بصدر رحب
عدم فهم الإجهزة يؤدي إلى ظلم في المقارنة وفقك الله

اقتباس جملة جميلة من الاخ
alwakra
أي مقارنة بينه وبين الآيفون بأي موديل من موديلاته لا تعتبر منطقية البتة ، لأن الأومنيا أساساً ويندوز فون وليس أندرويد ، وجميع موارد الجهاز أقل قوة من الجالاكسي الأول


وشكراً

اشكر للجميع المرور وللمرة العاشرة اذكركم ( انا هنا اريد منكم توضيح الامور لكل محتار ) لاشك ان الجالكسي اس ٢ وايفون ٤ اس اجهزة قوية ومتشابهة مع بعض المشكلة ليست فجهاز واحد ممتاز لكن في الشركة :

مقارنتي بين الشركات وليس الاجهزة فقط بمعنى :
١- المتجر فجميع منتجات ابل القديمة او الجديدة نفس السهولة في التعامل او التنزيل واستغرب من الاندرويد مع انه لها سوق قوي عندنا الا انه متجرها سئ وخصوصا في السعودية وانت مضطر لانزال روم عشان تحمل مدفوعة

٢- التحديث : كما سبقت وذكرت عندك جهاز جديد جالكسي نوت او اس ٢ تمتع بالمزايا اما عندك اقدم منهم لا ارميه واشتري الجديد علي عكس ابل فالتحديث يجعلك لن تحتاج لشراء جهاز جديد وفي نفس الوقت تستمتع بالمزايا
اصحاب ايفون ٣جي مازالوا محتفظين بها للان الا من اراد سيري او اضافات بسيطة

اصلا يؤخذ على ابل تحفظها في الفلاش والجافا وكانها خايفة من العين :)
من اراد يناقش لا يتكمل عن قوة الاجهزة فهذا انتهينا منه وعندكم الفديو ايفون ٤اس وجالكسي ٢اس بنفس القوة والجودة مع اختلاف بسيط جدا لكن تركيزي على النقاط السابقة

احد لقي حل للمتجر حق الاندرويد

افضل تابلت الايباد2 بدون منازع
افضل هاتف جالكسي اس 2
النوت كبير بالنسبه لي على ان يكون هاتف

(راي شخصي)

اليً يقول اللمس في النوت افظل من الايفون خلي يراجع كلامة
ابسط شي جرب تنزل لعبة glow hockey وحاول تلعبها على الايفون وعلى النوت وراح تحس بالبطئ بالرد بالنوت
او جرب تلعب لعبة fruit ninja بكلا الجهازين وشوف الفرق
او حاول تكبر وصغر في المتصفح وشوف الفرق
و او و او و او
ملاحظة اني املك الجهازين وهذي تجربة شخصية

[CENTER]من ناحية مبيعات الهواتف النقالة فهناك 42 جهاز باندرويد من ست شركات
Dell, HTC, Kyocera, LG, Motorola, and Samsung
يتم مقارنتها بجهاز واحد وهو الايفون. ومبيعات اللوحيات ابل مسيطر تماماً
والنتيجة:

[IMG]http://www.ce4arab.com/vb7/images/sub/02_2012/677847.jpg[/IMG]

مقارنة في حصة السوق بين ios و اندرويد للعام 2011 مقسما على اربعة ارباع وكل ربع له لون
tablet يعني الاجهزة اللوحية
smartphone يعني الهواتف الذكية

المحصلة عليك
والبقاء للأفضل[/CENTER]