الكمبيوتر الكفي - طريقة تحديث او تركيب خرائط ال bmw لعام 2014 بنفسك

السلام عليكم ورحمه الله وبركاته

تجربتي لتحديث الخريطه ل دول الخليج middle east لـ عام 2014 او تركيب الخريطه للسيارات الامريكيه والتكلفه ماتتعدا الـ 300 ريال

انا خريج مبتعث وتوي جديد علي السعوديه وامانتا سبب طرحي للموضوع لاني تفاجأت بأن في ورش وناس عندنا بالسعوديه اللهم لاحول ولاقوة ماتخاف الله وذممهم واسعه والغريب بعضهم يقولك اترك السياره نص يوم علشان يبين لك ان الموضوع فيه رهبه ومعقد و اجراءات و و و .... و هي السالفه ماتطلب منك اكثر من 20 دقيقه

اللهم لاحول ولاقوة

ياليت يا شباب ننشر الموضوع هذا قد مانقدر , لان واضح جدا ان في استغلال للسعوديين من قبل الورش و اخواننا العرب العاملين هنا

ح اطرح لكم طريقه تحديث الخريطه لعام 2014 بالتفصيل والوضوح التام بدون ماتحتاج تروح لشخص يغشك ويدفعك 1500 او 2000 ريال

تجربتي كانت لسيارتي bmw 2011 750li مستورد امريكي " جبتها معاي من امريكا "

والطريقه تنفع لكل الفئات بس هي راح تكون اسهل لفئات البي ام من موديل 2009 , 2010 , 2011 , 2012 , 2013 , 2014 الى اخر موديل حاليا لانك تقدر تحدث الطريقه عن طريق ال USB

الطريقه كالاتي :

اولا طريقة تحميل الخريطه :

1- خذ لك فلاش درايفر USB " فلاش دسك " لا يقل عن 4 قيقا وفرمته على صيغه FAT32

وهذي طريقة فرمتت الفلاش درايفر الى fat 32

[url="http://www.youtube.com/watch?v=p-xE5YOUpIo#t=12"]How to format USB to FAT32. - YouTube[/url]

2- نزل خريطه middle east premium 2014 من هنا :

من هذا الرابط

[url="https://docs.google.com/uc?id=0B3xO30OeaUmzTm16ZFd5b19ubjQ&export=download"]Google Drive - Virus scan warning[/url]

او هذا الرابط

[url="http://goo.gl/IJiMXk"]Google Drive - Virus scan warning[/url]

3- حيكون ملف مضغوط فيه ملف ومجلد .. انسخ الملفات اللي بالملف المضغوط الى الفلاش درايفر

ثانيا طريقة تركيب الخريطه بالسياره كالاتي :

1- روح لسيارتك وافتح الدرج اللي قدام الراكب وبتحصل فيه محل لل USB بجوانب الدرج ..
دخل الفلاش دسك اللي نسخنا عليه الخريطه - باليو اس بي اللي بالدرج وشغل السياره وانتظر لمده 20 الى 40 ثانيه وراح تظهر لك شاشه تأكيد بشاشه السياره .. هل تريد التحديث ... اضغط موافق

2- قبل التحديث ,, راح يطلب منك ال FCA كود .. " وهو رقم خاص يتم شراءه من سيرفر البي ام دبليو عن طريق اعطائهم ال VIN حق سيارتك " وسعره تقريبا يتراوح من 60 الى 70 دولار ..

وهذا رقم شخص سعودي عايش بامريكا مبرمج وخبير بسيارت ال bmw هو اللي قالي عن الطريقه هذي وساعدني فيها و لليوم ادعي له واقول الله يكثر من امثاله .. استأذنت منه وطلبت اني انشر رقمه بالمنتدي .. هالادمي راح يقدر يوفر لك ال FCA كود عن طريق ال VIN وتقدر تتواصل معاه عن طريق رقمه بال
whatsapp الواتس اب

18599079746+

او ايميله

[email]bmwcoding1@hotmail.com[/email]

3- لما تآخذ ال FCA كود .. ادخله وراح يبدأ تحديث الخريطه بالسياره .. انتظر 5 دقايق وحتطفي الشاشه وتشتغل ,, ومبرووووك عليك الخريطه :)

ان شاء الله يارب اني اكون قد فدتكم بشي ولو قليل

دعواتكم لي بالتوفيق والشفاء

محبكم

bmw 2010 2011 2012 2013 2014 map update تحديث الخريطه تركيب خرائط خريطه middle east السعودية الكويت