للبيع لابتوب ACER Core i5 نظيف - سورية حلب
 

السلام عليكم

للبيع جهاز لابتوب ACER 4738G استعماله بسيط أقل من 6 أشهر (خالي العلام) بطارية تستمر لأكثر من ساعتين.

المواصفات:

Intel Core i5 480 2.66 Ghz 3MB cach
RAM: 4GB DDR3
HDD: 500GB
ATI 6370 1GB DDR3
LED 14.1
طبعا بالإضافة لكاميرا ووايرليس و HDMI و USB ...........
وزن خفيف: 2.2 كيلو
ويندوز أصلي هوم بريميوم
نسخة مضاد فيروسات Bitdefender 2012 internet security صالحة لحوالي 10 أشهر
حقيبة فخمة سعرها حوالي 1500 ل.س

السعر المطلوب: 35000 ل.س

اخ خليل يعني من الاخر شو طالب فيه؟؟من الأخررر
لأان هلئ كنت بالجميلية وشفت الأسعار بصراحة الاسعار نازلة شوي لأن الدولار ب 70

والله أخي متل مالك شايف الجهاز بيستاهل وفيك تعتبرو أخو جديد، أنا بدي بيعو لأنو ماعم استعملو أصلا وبدي جيب تابليت بدالو.
والويندوز والبتدفندر الأصلي والحقيبة الي معو كمان لازم تاخدن بالحسبان، والبطارية فوق الساعتين ....

اخي الجهاز هو بيجي معه ويندوز ومضاد فايرس اصلي وحقيبة هدية وجهازك جديد سعره 38 تقريبا اذا بدك تكبلك مواصفات احسن منه ب 41 جديد مع كفالة سنة وهي الجميلية ونزيل وسئال عن جهازك

عزيزي الجهاز بالسوق يتضمن ويندوز ليس اورجينال (مكرك) وهاد لحالو حقو شي 5000 والحقيبة الي معو ردئية وسعرها لا يتجاوز 350 ليرة.....

وبرجع بقلك الجهاز يعتبر أخو الجديد ومستعمل فترة بسيطة جداً

اخوي بيجي معو ويندز سفن نظامي اصلي يعني هلئ انت شاري الويندوز ب5000 وعندك سيديته وكرتونته اذا هيك انا ما بدي هالويندوز وخصملي 5 الاف وشفلي شو اخر سعر ممكن تبيعه[COLOR="Silver"]

[SIZE=2]الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 07:16 PM ----------- المشاركة السابقة اضيفت في 06:48 PM --------- [/SIZE]

[/COLOR]رفيقي من قبل اسبوع كان عنده ايسر نفس المواصفات بس هارد 640 ورامات 8 باعه ب 30 الف
اذل بيزبط معك على 27500 خبرني ومنشوف سومات الشباب

سلامة معرفتك بس النظام الأصلي بيتفعل على الجهاز الي جاي معو ومافيك تفعلو على جهاز تاني وإلا بيضرب السيريال كلو.

بالنسبة للسعر الي عرضتو قليل ........ برجع وبكرر للمرة الثالثة الجهاز نظيف جدا ومابيتفرق عن الجديد ومافيك تقارنو مع جهاز تاني لمجرد أنو من نفس المواصفات او الماركة.

اذا مشان النظام لا ترضى غير لما اخده اني افرمته لان عندي ويندوز سفن ومفعله بكرك وعم حدثه اول باول ويامحلاه
بعدين الجديد بيتم اسمه جديد عالعموم موفق بالبيعة اساسا يمكن اخد جديد وريح راسي بس رح اصبر لبكرا او بعده شاور نفسك اذا صار شي معك انا موجود[COLOR="Silver"]

[SIZE=2]الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 07:58 PM ----------- المشاركة السابقة اضيفت في 07:56 PM --------- [/SIZE]

[/COLOR]بس مشان ذكرك في واحد بالمنتدى جهازه اسوس معالج اي7 موديل الجهاز n61jq طالب فيه 35 شوف مواصفاته وقارنه مع هازك بتعرف انو السعر الي عطيتك ياه منيح كتير ومقبول

في ناس بتطلب ويندوز اصلي ويبدو انت مو منن :)
جهاز الاسوس الي عم تحكي عنو ما انباع تحت 40 على حسب طلب البائع، وعلى نفس المنطق الي عم تحكي فيو انا بعرف اجهزة i7 انباعت فوق 45 وبطارية شبه ميتة وفيو خدوش .....

انتظر سومات باقي الأعضاء .....

بالوفيق...

للرفع ^^^^

اخي قبل ما انزل اشتري رح اعطيك اخر سعر 28500
اذا مشي الحال خبرني اذا ما مشي انا بدي انزل اشتري من الجميلية من شوي شفته ماركة ديل كتيييير نضيف اخو الجديد بس الفرق كرت الشاشة عندك والمعالج افضل بنتظار ردك

[quote]اخي قبل ما انزل اشتري رح اعطيك اخر سعر 28500
اذا مشي الحال خبرني اذا ما مشي انا بدي انزل اشتري من الجميلية من شوي شفته ماركة ديل كتيييير نضيف اخو الجديد بس الفرق كرت الشاشة عندك والمعالج افضل بنتظار ردك[/quote]
كرت الشاشة والمعالج والهارد والرامات ماعدا الملحقات ؟؟؟

للأسف سعرك مازال بعيد

اولا كرت الشاشة لل ديل 1 غيغا وبيفتح 1.5 بس مدمج يعني مو هالفرق الكبير تانيا الرامات نفس 4 غيغا وهو طالب 25 يعني ب 23 بتوقع بيبيعني تالتا مابدي هالملحقات ولابدي الشنتا هاد اخر عرض الي اذا موافق قلي مو موافق انا رح اخد الديل واتوكل على الله اليوم شفته وكتيرررر روعة بس قلت اذا مامشي حال جهازك رايح اشتريه فورا وكمان لاتنسى هاد ديل يعني ماركة مشهورة اكتر من ايسر ومعروفة بقوتها ناطر اخر جواب[COLOR="Silver"]

[SIZE=2]الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 01:31 PM ----------- المشاركة السابقة اضيفت في 01:29 PM --------- [/SIZE]

[/COLOR]نسيت خبرك كمان معو شنتا يمكن مو فخملك متل الي عندك بس بتساولها شي 1000 ليرة

بعتذر منك مارح يمشي الحال وموفق بجهاز الديل :)

طيب اخر محاولة بدفع 30 بس بتاخد 25 أو27 وبعد 10 ايام كحد اقصى ايام بتاخد الباقي اذا مشي حالك تفضل لعندي انا بنادي السبيل العائلي>قسم الالعاب>قسم ال xbox>أحمد

ناطر جوابك الأخير شو قلت خليل..

32 ألف كاش آخر كلام عندي ومابنزل تحتها فرنك.

اخر كلمة عندي 30 الف كاش اذا ما مشي الحال الله ييسرلك بيعته

موفق أخي أحمد .....

الله يوفقك أنت كمان...