المساعد الشخصي الرقمي

مشاهدة النسخة كاملة : samsung gear s التحويل من التايزن الى الاندرويد والرجوع مرة اخرى


volly11
18-12-2015, 03:03 AM
بسم الله الرحمن الرحيم

فى البداية انا لا اتحمل اى مسئولية لارتكاب اى خطأ فى عملية التنفيذ او التحويل من والى الاندرويد العمليه

سهله جدا باذن الله بس الموضوع محتاج تركيز شويه واتمنى من الله ان يوفقنى فى خدمة الجميع وان يجعل ما اقدم لكم نافعا واتمنى منكم الدعاء


مبدأيا نحتاج الى بعض الادوات فى عملية التحويل الى الاندرويد سنضعها ان شاء الله فى اخر الموضوع

فى البداية ما سنجدة فى نسخة الاندرويد وما سنفقدة

1- سيتم تثبييت اى برنامج اندرويد كما الو انه هاتف اندرويد كامل والنسخة التى يتم تثبيتها هى اندرويد

لولى بوب 5.1.1 cm12.1

2-الساعه سيعمل بها البلوتوث والواى فاى كأى هاتف ولكن مش هتتصل بالهاتف بالمعنى انها هتكون هاتف

مستقل بذاته فيه كل امكانيات الهاتف العادى

اما تطبيقات s health لا تعمل مثل حساس نبضات القلب والباقى

3-الشريحة تعمل بكل امكانياتها اى ارسال واستقبال المكالمات من والى الساعه تمام وكذلك استقبال الرسائل

والجيميل والمتجر تمام والتصفح رائع واليوتيوب شغال تمام وكله زى الفل

4- نيجى لاهم حاجة وهى صرف البطاريه هو زيادة شويه ولكن الساعه مع وقت العمل الشاق وكل حاجة

مفتوحة ما بين 3 الى اربع ساعات والغريب ان صرف البطارية فى وضع الثبات بردو زيادة شويه عن

التايزن ولكن ممكن ببرنامج من برامج ايقاف عمل التطبيقات ممكن تتغلب على كدة مثل hibrate manger

5- النظام سيكون مروت بأذن الله بتثبيت supersu.zip عن طريق الريكوفرى المعدل وسيتم شرح ذلك

بأذن الله

6-وكل امكانيات نظام الاندرويد تعمل بأذن لله والباقى كتير ممكن انت تكتشفها بنفسك اما الذاكرة اللى هى 4

جيجا سيبقى منها حوالى 1.6 جيجا فقط لان النظام يحتل منها جزء كبير اما بالنسبه لسلاسه النسخة حلو جدا

7-بالنسبه للبطارية الاحتياطية ممكن السااعه ما تشحنش منها تشحن بالشاحن بس ودة وضع عادى ذكرة

مطور النسخة وممكن ما تظهرش وتشحن عادى انا عن نفسى ما ظهرتش انت وحظك

بس دة كل اللى انا لقيته بصدق ولم اجد اى شئ تانى ونبدأ على بركه الله تعالى

اولآ يفضل ان يكون النظام مروت وانا شرحت دة فى موضوع خاص بيا ودة رابط الموضوع

http://www.ce4arab.com/vb7/showthread.php?t=614198


يجب تحميل سوفت الساعه الاصدار 31 ودة لينكه

http://www.mediafire.com/download/u7ckhtkc34xlkzc/CM_Build31.zip

وكذلك الاصدار 34

http://www.mediafire.com/download/y9q2p5wva4k55vq/CM_Build34.zip

تطبيقات جوجل اللى هى الجيميل والمتجر وخلافه

http://www.mediafire.com/download/e35w73s81q7u8im/open_gapps-arm-5.1-nano-20150925.zip

الكرينال المستخدم فى النسخة

https://dl.dropboxusercontent.com/u/4056393/GEAR%20S/GearS_Kernel___20151114-.tar

برنامج الاودين

https://dl.dropboxusercontent.com/u/4056393/GEAR%20S/Odin_3.10.0_onkiro.com.rar

نسخة الريكوفرى المعدل

http://www.mediafire.com/download/s240db9t7ahps7d/twrponly.zip

نسخة التايزن فى حالة الرجوع

http://www.mediafire.com/download/pu44524rv2vn9st/TizenRecovery_v2.zip

نسخة adb driver

https://drive.google.com/file/d/0B0MKgCbUM0itVVFWRC02Q0VBQnc/view

نسخة adb tools.zip

https://www.androidfilehost.com/?fid=95864024717071377

ملف ال user اللى ممكن نستخدمة لو معرفناش نستخرج ملف sysdata.tar

http://www.mediafire.com/download/patgdf2gpdxzkd8/user.zip

دة كل حاجة احنا هنستخدمها فى عملية التحويل بأذن الله انا هحاول ارفع فيديوهات للطريقة وهنستخدم بردو

الشرح المبسط ان شاء الله

نبدأ على بركة الله

اولآ نوصل الساعه ونكون متأكدين من تفعيل وضع تصحيح يو اس بى ودة عن طريق الذهاب الى about

gear info تم تفعيل وضع usb debuging

ونقوم بالذهاب الى وضع الداونلود مود للساعه ودة ازاى

فيديو توضيح الطريقه

https://www.youtube.com/watch?v=GJxXHByTJE0

بعد الدخول لوضع الدونلوود مود نقوم بشبك الساعه ولازم نشوف علامة ظهور الساعه على برنامج الاودين ودة كلنا عارفينه

نفتح برنامج الاودين ونختار فى خانه ap ملف twrponly ودة الريكوفرى المعدل للساعه

ثم نضغط على start ونترك الساعه لتثبيت الريكوفرى ببرننامج الاودين ونسيبها حتى تعمل ؤيستارت لوحدها تمام

بعد كدة نفتح برنامج adb-setup-1.4.2 ونختار بالترتيب y ثم n ثم y

وهنشوف انه هيثبت درايف هنوافق على التثبيت بشكل طبيعى

ثانيا نقوم بفك الضغط عن adb-tools-1.0.31 وبعد فك الضغط نضع الفولدر على سطح المكتب

ونفتحة وفى اى مساحة فارغه نضغط على shift+right click فى نفس الوقت ونختار

open command window here

هيفتح shell او شاشة سودا نكتب فيها الاوامر دى بالترتيب

1. adb shell

2. mount /dev/block/mmcblk0p24 /data

3. dd if=/dev/block/mmcblk0p23 of=/data/system-data.img

4. cd data

5. tar cf sysdata.tar system-data.img

6. exit

7. adb pull /data/sysdata.tar

وبعد كدة هنلاقى فى نفس الغولدر ملف باسم sysdata.tar ودة هنستخدمة فى حالة الرجوع الى تايزن

مرة تانية واللى ما ظهرش عندة الملف ممكن يستعوض عنه بملف user.tar

اللى موجود بالموضوع

لغايه كدة تمام نبدا بفتح الاودين تانى ونضع السوفت الاول اللى هو bulid 31 فى خانه ap ونذهب الى

الداونلود مود فى الساعه ونقوم بتفليش الملف

ولما ينتهى الساعه هتعمل ريستارت نضغط على زر الهووم ضغطه طويله الى ان يظهر reboot نقوم

بالدخول الى وضع الدونلود مود تانى وفى المرة دى هنحط ملف الكرينال ونفلشه عادى جدا وفى طريقة

تانية ممكن تفلش الكرينال الاول ثم السوفت الاتنين عادى واحد

وبعدها تسيب الساعه تقلع عادى جدا

وبدل الكلام الكتير دة فيديو يوضح الكلام اللى انا قولته

https://www.youtube.com/watch?v=Ha5cHUC_JS4

بكدة احنا نزلنا اول نسخة من الاندرويد اللى هى bulid 31 وكله تمام

الان نضع برامج جوجل اللى هى google apps zip داخل الساعه اما عن طريق البلوتوث او الكابل ولو

ما اشتغلش الكابل معاك ممكن تنقلها عن طريق البلوتوث عادى انا عملت كدة

وبعدها بنفس الطريقة اللى دخلت بيها على الدونلوود مود تدخل المرة دى على الريكوفرى المعدل اللى عندك

فى الساعه وتقوم بتثبيت ملف جووجل اللى بية البرامج

ودة موقع فيه صور توضيحية للطريقة

http://psyx3x.wix.com/tutorialesynovedades#!Como-instalar-las-gapps-en-el-Gear-S/c1tye/5659f1330cf277f55b31e871

وبكدة احنا نبقى فى التمام بعد ما تنزل برامج جوجل تسيب الساعه تعمل ريستارت ويبقى انت عندك النسخة

الاولى ببرامج جوجل وزى الفل

الخطوة اللى بعد كدة ندخل لوضع الداونلوود مود والمرة دة نختار نسخة bulid 34

نفلشها عادى جدا ولكن المرة دى بدون تفليش الكرينال

الكرينال نستخدمة فى النسخة الاولى فقط اما النسخة دى تحديث فقط للنسخة الاولى وبعد التفليش تسيب الساعه

تعمل ريستارت عادى جدا

وبكدة يا بطل انت عندك اندرويد كامل على جهازك

نيجى لموضوع الرووت نحمل الملف دة ونضعه فى ذاكرة الساعه ونفلشة من الريكوفرى العادى جدا زى

برامج جوجل

https://www.androidfilehost.com/?fid=95916177934531508


وبكدة انت عندك رووت فى الساعه ادخل بقى على الاندرويد بدل التايزن العقيم اللى كل برامجة فى المتجر

بفلوس حاجة تقرف على العموم الف مبروك يا ابطال على الاندرويد فى الساعه

ودى صور من ساعتى للاندرويد للاطمئنان

http://www.ce4arab.com/vb7/images/sub/12_2015/17080401pm-1140634-431327-0-0.jpg

http://www.ce4arab.com/vb7/images/sub/12_2015/17080401pm-1140635-431327-0-0.jpg

http://www.ce4arab.com/vb7/images/sub/12_2015/17080401pm-1140636-431327-0-0.jpg

http://www.ce4arab.com/vb7/images/sub/12_2015/17080401pm-1140637-431327-0-0.jpg

http://www.ce4arab.com/vb7/images/sub/12_2015/17080401pm-1140638-431327-0-0.jpg

http://www.ce4arab.com/vb7/images/sub/12_2015/17080401pm-1140639-431327-0-0.jpg

http://www.ce4arab.com/vb7/images/sub/12_2015/17080401pm-1140640-431327-0-0.jpg

http://www.ce4arab.com/vb7/images/sub/12_2015/17080401pm-1140641-431327-0-0.jpg

http://www.ce4arab.com/vb7/images/sub/12_2015/17080401pm-1140642-431327-0-0.jpg

http://www.ce4arab.com/vb7/images/sub/12_2015/17080401pm-1140643-431327-0-0.jpg

http://www.ce4arab.com/vb7/images/sub/12_2015/17080401pm-1140644-431327-0-0.jpg

http://www.ce4arab.com/vb7/images/sub/12_2015/17080401pm-1140645-431327-0-0.jpg

http://www.ce4arab.com/vb7/images/sub/12_2015/17080401pm-1140646-431327-0-0.jpg

http://www.ce4arab.com/vb7/images/sub/12_2015/17080401pm-1140647-431327-0-0.jpg

ودلوقتى اللى مش حابب الاندرويد وعاوز يرجع للتايزن مرة تانية هنشوف ان شاء الله

بصوا يا جماعه حاذر جدا ونفذ الخطوات بالحرف الواحد لو سمحتوا بالله عليكم لانى مش عاوز اى حد ينضر

منى ويدعى عليا

اولا نفتح الاودين ونختار ملف TizenRecovery_v2 ونضعه فى خانه ap على فكرة يا جماعه فى

بعض الملفات مضغوطة يعنى لازم نفك الضغط عنها عشان نطلع ملف tar او md5 تمام بعد ما نحط ملف

التايزن وندخل بالساعه على وضع الداونلود مرة تانية نفلش الملف عادى جدا وبعد ما ينتهى وتعمل الساعه

ريستارت ندخل بسرعه تانى على وضع الداونلود والمرة دى نختار اما ملف sysdata.tar اللى احنا بينا

طريقة الحصول عليه فى اول المشاركه

نفرض اننا ما عرفناش نعمل كدة وما عرفناش نطلع الملف يبقى نختار ملف user.tar اللى موجود بردو فى

بداية الموضوع ونضعه فى خانه ap واحنا قولنا اننا هندخل على وضع الداونلود مود مباشرة بعد تفليش ملف

التايزن وهنفلش ملف sysdata.tar او ملف user.tar

وبعد ما ينتهى من التفليش واول ما الساعه تعمل ريستارت ندخل مباشرة على الريكوفرى افهم الريكوفرى

مش الداونلوود مود تمام وبكدة الساعه هتعمل الوايبات المطلوبه لوحدها وهتلاقى نفسك فى التايزن الممل تانى

مع برامجة الفاشله ولكن امكانيات الساعه بالكامل شغاله معاك

على فكرة ما تستغربش انت هتدخل على نسخة غريبة اللغه واضح انها اسبانى ما تقلقش ظبط الدنيا واختار

العربى ولكن النسخة دى ما فيهاش الكتابة باللغه العربية ممكن تشغل الواى فاى وتنزل اللغه العربية عادى جدا يا كبير ومبروك عليك التايزن مرة تانية على العموم دة فيديو بيشرح الطريقة

على فكرة انا تعبت جدا فى الموضوع عشان خاطركم وانا مستعد لاى سؤال ان شاء الله

ودة فيديو الرجوع الى التايزن مرة تانية

https://www.youtube.com/watch?v=Yo_o7cv6lxY

اسألكم الدعاء والسلام عليكم ورحمة الله وبركاته وفى موضوع جديد ان شاء الله

volly11
18-12-2015, 11:16 AM
اقسم بالله العظيم انا لو اعرف ان الموضوع هيكون كدة انا ما كنت كتبت اى حاجة دة غريب جدا انا ما شفت اى حد شاف الموضوع وقال اى كلمه دة حتى مشرف المنتدى ما عبرني لو يسمح مشرف المنتدى أنه يحذف الموضوع واضح ان هنا ما فى اى تقدير ولا حتى كلمه شكر انا عملت الموضوع دة بعد ما لفيت كتير وجازفت بجهازى علشان اجرب عليه وانتو شايفين قد ايه المشاكل فى موقع المطورين من التفتيش الخطأ ولكن انا قررت اجازف علشان انقل لكم تجربتي بكل خطواتها الصحيحه عشان ما يكون فى خطأ أو أذى لأى منكم وفى الاخر لا شئ على العموم شكرا لو سمحت مشرف المنتدى احذف موضوعى ان كان فى مشرف اصلا

ahmad128345
18-12-2015, 07:53 PM
جزاك الله خير

جاري التجربة

yesserkira
27-12-2015, 01:45 AM
gregregzeez

riyadh021
29-12-2015, 01:14 PM
بارك الله فيك يا أخي الفاضل الكريم
كنت أبحث هذا الموضوع المهم مرررة
مشكور الف مشكور

kang85
29-12-2015, 01:20 PM
جزاك الله خيرا والله الواحد يتعب وهو يقرأ كيف التطبيق العملي فعلاً عمل جبار تستاهل كل الشكر والتقدير جزاك الله خير مع اني ماعندي الساعة عندي جير 2 بس صراحة دهشني الموضوع

Sent from my SM-N9100 using ce4arab mobile app

mohammed.not
04-01-2016, 03:48 PM
:ampoline:مشكور على هذا المجهود الرائع .. تقبل تحياتي;)

lil
11-01-2016, 02:55 PM
صراحه استاذي الكريم انت عبقري مع مرتبة الشرف والله
ولكن لو تلاقي لنا حل لتشغيل برنامج الرياضيه والمستشعرات زي نبضات القلب والسعرات تكون كملت جميلك معانا لانه بالطريقه هذه ماراح تصير الساعه مميزه كثير ونافعه جدا فضلا ننتظر ابداعك صراحه

volly11
11-01-2016, 10:53 PM
صراحه استاذي الكريم انت عبقري مع مرتبة الشرف والله
ولكن لو تلاقي لنا حل لتشغيل برنامج الرياضيه والمستشعرات زي نبضات القلب والسعرات تكون كملت جميلك معانا لانه بالطريقه هذه ماراح تصير الساعه مميزه كثير ونافعه جدا فضلا ننتظر ابداعك صراحه

والله اخى انا عندى الساعه متلك وانا ان شاء الله متابع لكل جديد ينزل عن الساعه من سوفت وير او برامج جديدة يمكن ان تنفع الساعه وسأنقلها مباشرة لكى يستفيد بها الجمبع والله المستعان

lil
12-01-2016, 11:51 AM
الله يسعدك يارب وفي انتظارك علي احر من الجمر تجيب لنا طريقه فعاله لتشغيل جميع المميزات

وممكن سؤال هل جربت تشبك الساعه علي اي جوال اندرويد واستغلت معاك بكامل المميزات نفس جولات السامسونج
او عندك طريقه او حل وجزاك الله خير

volly11
12-01-2016, 10:23 PM
الله يسعدك يارب وفي انتظارك علي احر من الجمر تجيب لنا طريقه فعاله لتشغيل جميع المميزات

وممكن سؤال هل جربت تشبك الساعه علي اي جوال اندرويد واستغلت معاك بكامل المميزات نفس جولات السامسونج
او عندك طريقه او حل وجزاك الله خير

حبيبى لازم تنزل تطبيق shealth الاول وتختبرة على الهاتف اوكى وكذلك سامسونج samsung gear manger
وتجربهم على هاتفك اوكى ولو اشتغلوا ان شاء الله تشتغل الساعه على هاتفك تمام ولكن مش كل برامج الساعه تعمل معها بنجاح فمثلا الساعه نزلت مع النوت 4 ما شاء الله المطورين ما سابوش اى بورت للنوت الا وعمله له سوفت انا عندى النوت 3 وكل بورتات النوت 4 والنوت 5 شغاله على الساعه زى الفل فكلما كان الهاتف احدث كلما كانت العمليه تمام والساعه تشتغل بكل مميزاتها وياحبذا لو كان الهاتف سامسونج يكون افضل وافضل

جالكسى 4
15-01-2016, 01:51 PM
عاشت الايادى ياكبير على هذا الموضوع الرائع انا كرهت الساعه ونظامها التايزن الممل والغبى بنفس الوقت وخاصه انى لااستطيع تشغيل اليوتيوب عليها مثل اى هاتف اخر سئوالى لك هل من طريقه لتنصيب برنامج اليوتيوب عليها من دون تبديل النظام او اى طريقه لتشغيل اليوتيوب عليها الساعه شاريها جديد ومتندم انى اخذتها كنت متصورها مثل الهاتف بالنظام واصل شروحاتك وافكارك عن الساعه بارك الله فيك

volly11
15-01-2016, 06:12 PM
عاشت الايادى ياكبير على هذا الموضوع الرائع انا كرهت الساعه ونظامها التايزن الممل والغبى بنفس الوقت وخاصه انى لااستطيع تشغيل اليوتيوب عليها مثل اى هاتف اخر سئوالى لك هل من طريقه لتنصيب برنامج اليوتيوب عليها من دون تبديل النظام او اى طريقه لتشغيل اليوتيوب عليها الساعه شاريها جديد ومتندم انى اخذتها كنت متصورها مثل الهاتف بالنظام واصل شروحاتك وافكارك عن الساعه بارك الله فيك

اولا السلام عليكم مبروك الساعه اما عن تشغيل اليوتيوب على الساعه فى نظام التايزن ادخل على ماركت الساعه من الهاتف وابحث عن برنامج XENOZU وهو مشغل اليوتيوب على الساعه ادخل على البرنامج واكتب اى شىء فى مربع البحث وهيشتغل على اليوتيوب ان شاء الله يا بطل

جالكسى 4
15-01-2016, 06:43 PM
وعليكم السلام ورحمه الله وبركاته
شاكرا ردك حملت برنامج تشغيل اليوتيوب سؤالى لك ياكبير لاحظت بانه يختلف عن واجه اليوتيوب سؤالي لك هل من طريقه اخلى فيها تطبيقXENOZU يرسلى اشعارات عن قنوات مشترك فيها زى اليوتيوب الاصلى الموجود على الهاتف

volly11
16-01-2016, 01:43 AM
لا للاسف البرنامج دة ما هو الا محاكي لتشغيل فيديوهات اليوتيوب فقط

lil
23-01-2016, 12:31 AM
اخي الكريم فضلا منك انت قلت انك نزلت علي ساعتك نظام الاندرويد فهل ممكن فضلا لا امر تجرب كل من
قياس السعرات المحروقه اثناء التمرين
قياس نبضات القلب
قياس عداد الخطوات
مؤشر قياس ساعات النوم
يعني مفس نظام هلثي الموجود في الساعه


وهل مازال هناك امكانيه لربط الساعه باي جوال واستقبال المكالمات عن طريق الساعه
فضلا وكما منك تجاوبني علي الاسئله كله ولك شكري وتقديري

لانه اذا شغاله راح اتوكل علي الله واعمل الخطوات كلها للتحويل من تايزن الي اندرويد

volly11
23-01-2016, 11:52 AM
اخي الكريم فضلا منك انت قلت انك نزلت علي ساعتك نظام الاندرويد فهل ممكن فضلا لا امر تجرب كل من
قياس السعرات المحروقه اثناء التمرين
قياس نبضات القلب
قياس عداد الخطوات
مؤشر قياس ساعات النوم
يعني مفس نظام هلثي الموجود في الساعه


وهل مازال هناك امكانيه لربط الساعه باي جوال واستقبال المكالمات عن طريق الساعه
فضلا وكما منك تجاوبني علي الاسئله كله ولك شكري وتقديري

لانه اذا شغاله راح اتوكل علي الله واعمل الخطوات كلها للتحويل من تايزن الي اندرويد

اخى الكريم السلام عليكم بالنسبة لنظام الاندرويد على الساعه هو لا يدعم كل خصائص shealth ودة كله انا موضحة فى ايجابيات وسلبيات الاندرويد على الساعه فالساعه تعمل كانها هاتف مستقل بذاتها وتعمل بها كل امكانيات الهاتف بلوتوث واى فاى كل شىء ارسال واستقبال رسائل ومكالمات اما بخصوص اقترانها بالهاتف فهى تقترن بالهاتف بالبلوتوث فهى تقترن بالهاتف لارسال واستقبال الملفات كأى هاتف اخر وذلك لا يوجد فى التايزن فهى فى التايزن تقترن بالهاتف لمعرفة المكالمات الواردة وغيرها على الهاتف ولا يمكن ارسال او اى شئ لها من ملفات الا عن طريق الكابل اما كما قلت خصائص ال shealth كلها متوقفة عن العمل وجارى العمل عليها فى تحديث البورتات القادمة اما باقتران الساعه وهى على نظام التايزن باى هاتف اخر انا ارسلت لك فيديو توضيحى فى احدى مشاركاتى السابقة وكذلك ملفات برنامج gear manger وان لم تشتغل معك فهذا كل ما توصلت الية حاليآ وجارى البحث ان شاء الله
تقبل تحياتى

سقراط استراليا
23-01-2016, 08:32 PM
سلا

Sent from my SM-T705 using ce4arab mobile app

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 10:32 PM ----------- المشاركة السابقة اضيفت في 10:23 PM ---------

السلام عليكم.... عندي سؤال بعيد عن الموضوع... اشتريت ساعه S3 الساعه رائعه و تعمل بشكل جيد ولكن كنت أظن أنها سوف تغنيني عن حمل الهاتف... و لكن المشكله هي سماعه البلوتوث لم تعمل على الهاتف فقط تشبك على للموسيقى... فهل هناك حل... أو هل هناك ساعه تنصرون بها تقوم بهذا الغرض. افيدوني افادكم الله

Sent from my SM-T705 using ce4arab mobile app

أبوعوف
27-02-2016, 03:56 PM
السلام عليكم

شكرا على المجهود المميز

انا مشيت مع الخطوات لحد شاشة shell السوداء و لكن في الأمر الثاني يطلعلي not found

و الساعة معلقة على الريكفري

ممكن مساعدة لو سمحتوا ؟

volly11
06-03-2016, 12:27 PM
السلام عليكم

شكرا على المجهود المميز

انا مشيت مع الخطوات لحد شاشة shell السوداء و لكن في الأمر الثاني يطلعلي not found

و الساعة معلقة على الريكفري

ممكن مساعدة لو سمحتوا ؟

الاخ الكريم السلام عليكم اسف على التاخير عن الرد وهادا لظروف العمل اما بالنسبه لك هل تم تعريف الساعه كما هو موضح بالموضوع
وهل جربت الدخول على وضع الداونلوود مود والتعرف هل الساعه متعرفه عليه والا لا
على العموم الامر بسيط الغى موضوع adbshell دة لانه مش مفيد الا للحصول على ملف sysdata.tar وانا موضح فى الموضوع دة ووظيفة الملف انه بيه يتم الرجوع الى التايزن مرة اخرى وانا مستبدلة فى الموضوع بملف تانى اسمه user.tar وواضع الرابط بتاعه على العموم ادخل لوضع الداونلوود مود من الساعه وابتدى فلش ملف البورت الاول وان شاء الله تشتغل معاك الساعه وبعدها قم بالتحد يث بالبورت التانى
ملحوظة تم طرع بورت جديد بتاريخ اليوم وهو بورت رائع عن تجربة
تقبل تحياتى

vip_123
30-04-2016, 05:35 AM
الله الله
انت معلم واحنا منك نتعلم
تسلم الايادي
تم تحويل الساعة لنظام اندرويد وير
الف شكر

volly11
05-05-2016, 12:58 PM
الله الله
انت معلم واحنا منك نتعلم
تسلم الايادي
تم تحويل الساعة لنظام اندرويد وير
الف شكر

لا شكر على واجب دة اقل شئ يمكن تقديمه لكم اخوانى الكرام واسالكم الدعاء

ياسين الشلف
09-07-2016, 02:46 AM
السلام عليكم
الاودين مش بيشوف اي ملف غير ملف الكرينال فقط ... ما العمل ؟؟؟
ارجوك رد بسرعه الساعه ممكن تدمر .. ربنا يستر

ياسين الشلف
09-07-2016, 11:14 AM
بعد شوية اكتشفت ان الاودين مش قارئ الساعه اصلا .. فيه حاجه غلط ف اللاب بتاعي مع اني عرفت تعريفات سامسونج

elsayed_reda
09-07-2016, 10:19 PM
بعد شوية اكتشفت ان الاودين مش قارئ الساعه اصلا .. فيه حاجه غلط ف اللاب بتاعي مع اني عرفت تعريفات سامسونج

بص يا حج ما تخفش واهدى خالص وخير ان شاء الله اولا الكرينال مش مضغوط تمام
ملف السوفت فك ضغطه الاول لان الاودن ما بيقراش الا tar او img تمام يعنى اكيد السوفت بتاعك لسه مضغوط

وبالنسبه لتعريف الساعه ثبتوا من جديد ولا فيها اى حاجه وكمان زيادة تاكيد ثبت تعريفات السامسونج من جديد لو مش عندك ثبت samsung kies وهو هيقوم بكل حاجه وكمان هتلاقى فى الموضوع برنامج خاص بتعريفات الساعه وطريقه تثبيته واى حاجه تانى انا معاك وما تقلقش انا معاك لحد الاخر ما تخفش من اى حاجه وبالتوفيق

ياسين الشلف
10-07-2016, 02:31 AM
اشكرك كثيرا تم تنصيب لولي بوب بنجاح لكن ملف تطبيقات جوجل لا يعمل لازم تدخل هنا وتحمل نسخه تتوافق مع الاصدار
http://opengapps.org/?api=6.0&variant=nano
مشكور يا غالي وجهدك جبار والله استفدت منك كثيرا
ابشرك عملت روت وركبت متجر بلاي ..
جزاكم الله خيرا .. ربنا يوفقك

ياسين الشلف
10-07-2016, 09:01 AM
طيب متى تنشر البورت الجديد .. عاوزين منك ابداع اكثر واكثر

elsayed_reda
11-07-2016, 01:32 AM
طيب متى تنشر البورت الجديد .. عاوزين منك ابداع اكثر واكثر

لما يكون فى بورت جديد هقولك
ولو انت لقيت حاجه زود يا حج او افتح موضوع جديد كلنا هنا نفيد بعضنا

samsow
25-07-2016, 01:44 AM
اخي الكريم
اولا اريد ان اشكرك على هذا المجهود الرائع , مع اني قرأت عن هذاالموضوع في منتديات اخرى من زمان وخاصة عند المطور الاساسي له ولكن لم اتجرأ على تجربته حتى قرأت موضوعك وشرحك الوافي والجميل الذي اشكرك عليه من كل قلبي
ولك كل التقدير

المشكلة عندي ان البطارية فرغة فجأة وتاخد وقت طويل جدا للتشريج قليلا حوال 1% في اكثر من 30 دقيقة مع اني استعمل البورت الجديد

elsayed_reda
26-07-2016, 10:59 PM
[QUOTE=samsow;5065185]اخي الكريم
اولا اريد ان اشكرك على هذا المجهود الرائع , مع اني قرأت عن هذاالموضوع في منتديات اخرى من زمان وخاصة عند المطور الاساسي له ولكن لم اتجرأ على تجربته حتى قرأت موضوعك وشرحك الوافي والجميل الذي اشكرك عليه من كل قلبي
ولك كل التقدير

المشكلة عندي ان البطارية فارغة فجأة وتاخد وقت طويل جدا للتشريج قليلا حوال 1% في اكثر من 30 دقيقة مع اني استعمل البورت الجدي

المشكله دي كان اتكلم عنها المطور بتاع البورت وحلها انك لازم تفلش التايزن تاني وتشوف بطاريتك هل هي سليمه ان كانت سليمه تفلش بورت الاندرويد تاني وما تخاف الرجوع للتايزن سهل جدا وان لم تتوفر علي ملف sysdata.tar في ملف انا حاطه في الموضوع اسمه user.tar هتفلش بورت التايزن عادي جدا وقبل الاقلاع لازم تدخل لوضع الداونلود بسرعه وتفلش ملف user والا الساعه هتتوقف عن العمل اوكي وفي التايزن هتشوف لو وضع البطاريه مستقر وبتشحن عادي ممكن تنزل بورت الاندرويد تاني ومن غير شكر انا.تحت امر الجميع اسالك الدعاء
ده كل شئ اتمني لك التوفيق

Ramdroid123
22-08-2016, 10:16 AM
شكرا هاامجهود

aboyassein2
07-09-2016, 01:05 AM
عن جد مجهود رائع جدا و جزيت خيرا عليه

لو يتسع صدرك ليا وان لم يتسع فقط اطلب حذف التعليق
اللي ضايقني للاسف هو طلبك للشكر و المدح و التقيم بصراحه ما كان له داعي ابدا

انت تعبت و نزلت الموضوع لاخوانك اكيد اللي عنده الساعه و كان محتاج موضوعك صدقني هيدعيلك من نفسه بظهر الغيب

انما علشان الشكر والتقدير و الا تطلب حذفه يبقي ماكنت تعبت نفسك من الاول ..

وجهة نظر واعذرني لو ضايقتك



Sent from my SM-N920C using Tapatalk

BrahimLibr
29-09-2016, 11:53 AM
شكرا على الموضوع الرائع صديقي