نريد شرح للبرنامج الرائع ROM manager

[أبو عبدالكريم2]

من يتكفل بشرح هالبرنامج لتركيب الرومات بكل سهولة ويسر لأغلب أجهزتنا .
ابتداءا من الباك أب للروم المستخدم مرورا بركيب وتجربة رومات . وانتهاءا بتركيب رومات وخصائص جديدة للجهاز كرومات الألعاب وخلافها ..

تابعت شروح في اليوتوب .. يبقى استخدام البرنامج معقد على مبتدي مثلي ..
أتمنى أن نجد شرح عربي بالصور أو بالفيديو ..من أحد الإخوة هنا ..;)

[وائل الوائل]

+1
نفس الطلب

[Shimadzu]

نفس الطلب +2
(:

[أبو عبدالسلام]

برضوه نفس الطلب 3+

[aseer-al-shug]

شرح البرنامج

http://dl.dropbox.com/u/10620359/ROM.png

الخيار الاول يسوي لك فلاش للـ Clockworkmod Recovery ( الريكوفري بتاع مطور البرنامج ) .. يعني اذا فيه تحديث جديد أو كنت مغيـّر الريكوفري , اضغط عليها يحدثها لك ..

الخيار الثاني , مثل ماهو واضح يسوي ريبوت للجهاز ويدخل لك ع الريكوفري ..

الخيار الثالث , منه ننـزل الروم .. وراح اتكلم عنـه تحت ..

الخيار الرابع خاص بـ النسخة المدفوعة , وهو ان مطور الروم يحط لك آخر تحديثاته ويسهل الوصول لـ الرومات ..

الخيار الخامس , خاص بـ النسخة المدفوعة , ولازم يكون المطور يفعـّل خدمة Over The air
الوكاد انها سالفة وقصيدة وخلوكم منهـا احسن ..

الخيار السادس , ينزل لك الروم عن طريق الماسح ( الباركود سكنر ) , وعن نفسي ما استخدمتها من قبل لأن اصلاً بـ منتدى المطورين ما شفت مطور حاط باركود حق روم pb036 ..


http://dl.dropbox.com/u/10620359/ROM1.png

خيـار BackUp & Restore Backups : يدخلك على الباك ابز اللي انت مسويهـم ,
يعني مثلاً حطيت روم جديدة بس ما عجبك , وانت مسوي باك اب لرومك القديمة .. من خلال هالخيار راح تلقـى كل الباك ابز اللي سويتهم من قبل ( طبعاً حاول أكثر شئ يكون عندك 2 باك اب بس ) .. ومنها تسوي استعادة ( Restore ) ..

BackUp Current ROM : يسوي لك باك اب للروم الحالي

Fix Permissions : اذا كنت تعـاني من الـفورس كلوز للبرنامج , تستخدم هالخيار ..

الخيار اللي تحتـه يسوي لك تقسيم للذاكرة , ناس واجد مدحوا لي التقسيم بس انا ما جرّبته , فـ ما اقـرّب لـ هالخيـار ..

الخيار اللي تحتـه يفعـّل ريكوفري آخر الـ ClockWord Mod .. مثل RA

.
.

الآن : كيف تنـزّل روم بـ One Click فقط ؟! ..

الطريقـة بـ هالبساطـة :

شغـل الوايرلس

تنـزّل الروم من لاب توبـك ( طبعاً يكون بـ صيغة .ZiP ) , وتحطـه بـ الذاكرة الخارجيـة ( عن طريق الـUSB أو برنامج ADB Wirless أو بأي طريقة :D المهم يكون بالذاكرة الخارجيـة )

وبعدها تروح للبرنامج وتضغط على خيـار Install ROM From SD Card

راح يفتـح الذاكرة الخارجيـة , راح تلقـى رومك آخر شئ اذا ماكنت حاطه بـ ملف معيـن ..

اضغط عليه وراح تطلع لك نافذة فيه خياريـن ..

الخياريـن هم :

Backup Existing ROM : وتعني عمل باك اب للروم الحالي , وطبعاً لما تنـزّل روم جديد يفضل انك تسوي باك اب عشان اذا لا سمح الله صار خلل بالروم الجديدة او شئ , تقدر ترجع له ,

وفيه نقطة مهمة , اذا كنت مسوي باك اب للروم عن طريق خيار BackUp Current ROM
اللي شرحناه بالصورة الثانية , فـ لا تحط علامة صح عند هالخيـار , واذا مو قربت لذاك الخيـار
فـ حط عندهـا صح ..

الخيار الثاني Wipe Current ROM : يمسح كل شئ متعلق بالروم الحالية , وطبعاً هالخيار نحط عليه صح دائماً , ما عدا اذا كنـّا منـزلين تعريب مثلاً , لأنه وقتها راح ينـزل التعريب ويمسح الروم pb027

نعـود لـ شرحنـا السابق , تختــار الروم اللي تبيـه وراح تطلع النافذة فيها الخيارين السابقين , حط عليهم صح واضغط OK وبعدها راح ينـزل الروم ان شاء الله .. مع العلم ان العملية راح تاخذ وقت شوي ..




منقول من الرقمية

[أبو عبدالكريم2]

بارك الله فيك على النقل يالغالي .. افدتني وأفدت الكثير ..

[أبو عبدالكريم2]

اخواني .. سويت باك اب للروم .. والجهاز يدخل على وضع الركفري وبعدين ؟
لاني اجد خيارات منها update zip
ومنها اعادة تشغيل الجهاز .. أنا أختار هذا لأني أظن ان الجهاز عمل الباك اب .. لكن لما افتح البرنامج وابحث عن الباك اب للروم .. وماأحصل ولا شي

انتظر افادة

[adnanb]

فيه خيار لدعم اللغات ومن ضمنها اللغة العربية لكن جربته

ماغير شئ