الجالكسي اس

[em4all]

السلام عليكم ورحمة الله وبركاته
مساء الخير للجميع ويعطيكم العافية وياهلا بطلتكم ...

--- عشان مايزعل علي احد :) الموضوع وجهة نظر شخصية اللي عاجبه ياهلا وسهلا واللي ماعجبه برضه ياهلا وسهلا :) -
ماودي اطول في موضوعي لكن انا كنت من مستخدمي الاي فون لمدة اكثر من سنتين - من يوم كان ذاك اللي المنيوم مافيه عربي - :) وبعد طول انتظار للاي فون 4 كنت في انتظار الكي نوت على احر من الجمر خاب املي حقيقة وحسيت فعلا انه ما في امل يطلع اي فون على اللي في مزاجي ...
فبدأت بالبحث عن جوال آخر وبعد طول بحث ارشدني بعض الاخوان للاندرويد
وكان الاختيار على الجالكسي اس
وياله من اختيار ...
بعنا الاي فونات وشريناه من لندن وجانا بالدي اتش ال

جهاز روعة - بالنسبة لي-

والكل يعرف الجهاز فماله داعي نطول في هالنقطة

لكن ...

الجهاز كما تعرفون نزل في الامارات على حسب علمي عربي كامل
فاللي ابيه من حبايبنا واهلنا في الامارات اذا واحد منهم يتكرم يسوي دمب للنظام وينزله هنا لان الكثير متضايق من مشكلة الرسايل والدليل في الجهاز

بالنسبة لي ماعندي نية اشغل العربي في القوائم لاني متعود عليها انجليزي
لكن الرسائل والدليل ( مشكل كثير :) )

فيه برامج في الماركت لكن مشكلتها انها ( برامج ) يعني ماهي في الكور حق الجهاز فما تقدر تاخذ متعة انك تستخدم الدليل الاساسي وبرنامج الرسائل الاساسي ...



بانتظار فزعتكم
تحياتي للجميع


ملاحظة بسيطة

عجزت اتحمل لازم احط هالصورة
(اللي مستخدم اي فون يعرف معناها ) :)




http://www.ce4arab.com/vb7/images/sub/1006_1/172517.jpg

[sony-vip]

الفزعه يا شباب ويا صبايا انا مثلك حاولت اعرب الجهاز انا وزميلتي للاسف ما قدرنا نفس المشكله

[twistoooo]

التعريب جاي بالطريق

وبأذن الله بيجيبونه الاخوان

بالنسبة لمشاركة الشريف ماقصر بالشرح

بس انا الى الحين ماسويت اي شي بجهازي

ومخليه مثل ماهو عليه

الي متعبي باللغه وقت المسن فقط

مع العلم اني اذا سويت بحث باليوتيوب باللغه العربيه يطلع لي الي ابيه كيف ما ادري


ونصيحتي لكم لا تستعجلون على الروت

الصبر جميل

[memo-dh]

ان شاء الله اول ماحد يجيبه من الامارات مش حيبخل على الاعضاء وحينزل الروم الخاص بالشرق الاوسط..

بس بصراحه انا كان نفسي اعرف رأي شخص عنده خبره كبيره في الايفون واستخدم الجالاكسي
يعني اتمنى انك تعملنا مقارنه ولو بسيطه عن جودة الشاشه عشان سمعت من بعض الاعضاء انه شاشة الجالاكسي جودتها ضعيفه بس بيقول انه الوانها تجنن!!!
وبالنسبه للهاردوير؟؟؟ هل فعلا مع الاستخدام حسيت انه بلاستيك ضعيف؟؟
يعني حابب اعرف الكواليتي للجهاز بشكل عام مقارنه بالاي فون :)
واسف على الاطاله..

[w1000i]

وده للوكالة .. إكسيوم .. وبيعيدون تركيب النظام ( وبيجيك العربي)

[em4all]

شكرا لتعليقاتكم

بالنسبة لموضوع مقارنة الشاشة انا ما استخدمت اي فون 4 حتى الان وجايني في الطريق بحول الله لكن بالنسبة للايفونات اللي قبل

الشاشة مال الجالكسي احسن بكثييييييييييييييير خصوصا في الشمس

واحسن مافيها عمق اللون الاسود
اذا صارت الشاشة سوداء والدنيا ظلام ماتميز الجهاز وينه !!!
يعني لو تشغل مقطع فديو فيه هامش اسود ماراح تدري
ارجو انك تكون فهمت علي

بالنسبة للهاردوير انا رجال استخدم الجوال كثيييير ولا يهمني الشكل مره
بس شكل الجالكسي يختلف من شخص لاخر احد يعجبه واحد لا

جودة الجهاز كل الدعوى بلاستيك في بلاستيك اي فون 3جي اس = جالكسي وماكانت مشكلة قديما بس لما طلعت ابل الزجاج المقوى اشغلونا العالم


لكن كرأي منصف

اذا انت مستخدم عادي = ماتفرق بين شي اسمه نظام تشغيل وشي اسمه معالج ولا تبي وجع راس === اي فون
اذا انت مستخدم تحب تشيل وتركب وودك الجهاز يكون فري بامكانك تحذف النظام براسه === اندرويد

اخيرا واسف على الاطالة

اللي وده يفهم الفرق
جالكسي = فايرفوكس <<< fully customizable
اي فون = انترنت اكسبلورر<<< solid

بخصوص اللي يقول وده للوكالة

الوكالة مايعرفون الجهاز اصلن

او على الاقل وكالة الخبر
يقولي ايش جالكسي 9000 ماسمعنا فيه !!!