المساعد الشخصي الرقمي

مشاهدة النسخة كاملة : مساعده: ابغى افضل محل صيانة ايفون في الدمام أو الخبر


TrustNoOne
23-05-2010, 11:44 AM
السلام عليكم

شباب انا عندي ايفون عطلان وابغى أفضل محل صيانه في الدمام او الخبر يكون خبره وفتح اكثر من جهاز ايفون، واقصد بالصيانه مو برمجه، اللي اقصده هاردوير يعني فتح الجهاز ويكون عنده قطع بطاريه شاشه وغيرها.

ولكم خالص الشكر والتقدير مقدماً

fakazem2
23-05-2010, 12:39 PM
وعليكم السلام

يوجد محلات للصيانة خلف مجمع الحياة بلازا بالدمام (محلات الجوال)

فيه محل ممتاز.. تقريبا ثاني محل يسار صراف بنك الرياض

قطع الغيار متوفرة عنده او يطلبها

TrustNoOne
23-05-2010, 01:03 PM
:ampoline: وعليكم السلام

يوجد محلات للصيانة خلف مجمع الحياة بلازا بالدمام (محلات الجوال)

فيه محل ممتاز.. تقريبا ثاني محل يسار صراف بنك الرياض

قطع الغيار متوفرة عنده او يطلبها

تسلم أخوي على تفاعلك السريع وراح ازور المحل اليوم، وفي انتظار باقي الأعضاء اذا يعرفوا محل غير هذا حتى يكون عندي اكثر من خيار.

المكتفي1
23-05-2010, 04:32 PM
فعلاً مثب ما قال لك إخوي fakazem2..
محل في الحياة بلازا.. معروف.. بصيانة الآيفـــــون..
وأعتقد إسمه.. الجوال المميز .. أو الجوال المتميز..

تحياتي لكـــ،،،

Majnoon Totti
23-05-2010, 04:55 PM
فيه في الراشد في الدور الثالث جنب ستار بكس خله على يسارك
وحتلاقي فيه اثنين منها واحد اسمه ستب تكنولجي

einstien
23-05-2010, 08:48 PM
فعلاً مثب ما قال لك إخوي fakazem2..
محل في الحياة بلازا.. معروف.. بصيانة الآيفـــــون..
وأعتقد إسمه.. الجوال المميز .. أو الجوال المتميز..

تحياتي لكـــ،،،

المحل في المجمع او خلفه أخوي ؟

المكتفي1
24-05-2010, 02:16 AM
في مجمع الحياة بلازا... شارع الجوالات ..

تحياتي لكــ،، :)

einstien
24-05-2010, 01:03 PM
الله يعطيك العافية اخوي :)

الكميل
24-05-2010, 01:45 PM
نعم
افضل محل متخصص بالايفون في الدمام هو هذا المحل في الحياة بلازا
غيرت عنده الشاشه وصلحت الايفون اكثر من مره عنده
شغله متقن والرجال نصوح

einstien
24-05-2010, 02:50 PM
طيب ممكن اسم المحل لو تكرمتوا ؟

basheer-nashed
24-05-2010, 03:24 PM
عندك بالراشد مول آي ماشين

و إياك تروح عند iZone الي بالظهران مول لأنه نصااااب و كذاب

تحياتي

einstien
25-05-2010, 01:53 AM
رحت اليوم للمحل ووديت الجهاز و قال لي الفني يبغى لهم يفكونه و يظل عندهم يوم على الأقل .. :(

TrustNoOne
25-05-2010, 09:55 AM
يعطيكم ألف عافيه شباب انا فعلاً اخذت الجوال للمحل اللي بالحياه بلاز واسمه (الجوال المميز) وكلمني البارح وقال ان الجهاز اوكي هالحين،،،،،،،،باخذه اليوم وبزودكم بالمستجدات

fakazem2
25-05-2010, 10:52 AM
يعطيكم ألف عافيه شباب انا فعلاً اخذت الجوال للمحل اللي بالحياه بلاز واسمه (الجوال المميز) وكلمني البارح وقال ان الجهاز اوكي هالحين،،،،،،،،باخذه اليوم وبزودكم بالمستجدات

ان شاء الله يضبط وتتهنا فيه يارب

نوحان
25-05-2010, 12:36 PM
صاحب المحل نصوح
انا جربت التعامل معاه

einstien
25-05-2010, 05:37 PM
صاحب المحل نصوح
انا جربت التعامل معاه

و انا جربت التعامل معه أمس بالليل اسلوبه تعبان بالمرة يرد عليك من غير نفس و ما يطالع فيك حتى:mad: اما الفني الشامي اسلوبه أحلى من السعودي بمراحل:thumbup:

لـحـظـة صـمـت
11-07-2010, 09:57 AM
والله اليوم انا راح امر عليه واشوف اذا يقدر يساعدني او لا

cbh1978
14-12-2010, 01:12 AM
هل توجد صيانة لأجهزة آيفون 4 في الأحساء .

dark sky
03-07-2012, 01:33 PM
انا اليوم رحت للمحل اللي قلتوا لنا عنه "الجوال المميز" و هذي قصتي
بعد ما انكسر الايفون الشاشة و غطاء البطارية و لما بحثت لقيت هذا الموضوع جيت الصباح لنفس المحل و بصراحة ما فيهم عيب بالنسبة للمعاملة لكن كان في مشكلة في السعر! قال لي انه بيركب الشاشة ب ٢٥٠ ريال و يحتاج ساعة او اكثر و بالنسبة للغطاء ما كان عنده ، فقررت اشتري الشاشة و اركبها في محل ثاني باعنيها ب ١٦٠ريال و انا طالع من عنده مريت "الحداد" و سألته بكم الشاشة قال ٤٥٠ ريال و الغطاء ب ١٥٠ ريال و اركب لك الغطاء حالا اما عن الشاشة تعالي المساء فخليته يبدل الغطاء و لما طلعت مريت محل اسمه "ارسال ٢" جنبهم محل هنود حبيت اتطلع على الاسعار بما ان كل محل تسعيرته تختلف و لقيت عندهم الغطاء نفسه ١٠٠٪ ب ٦٠ ريال مع التركيب و الشاشة هي نفسها ١٠٠٪ ب ١٦٠ ريال مع التركيب في اقل من ٣٠دقيقة و امام عيني انا واقف عنده
شفتوا كيف الفرق ؟! طبعا رجعت الشاشة للمحل الاول و رجع لي فلوسي بدون اعتراض و بالصدفة و انا واقف انتظر جهازي الفني بتاع المحل الاول اللي باعني الشاشة جاي محل ارسال٢ يشتري القطع!!

هذي تجربتي حبيت اشارككم اياها و اتمى انها تفيدكم و تفور عليكم جهد و مال